Nederlandana parlamentala elekto 2017
Nacionala parlamentala elekto (Tweede Kamerverkiezingen 2017) eventis en Nederlando ye la 15ma di marto 2017. La antea tala elekto eventis en septembro 2012.
La votanti elektis omna 150 membri dil Duesma Chambro per sistemo di proporcionala reprezento. La antea guvernerio esis koalisuro de du partisi, VVD e PvdA, ed esis la unesma guvernerio depos la ministraro Kok-I en 1998 qua parfinigis sua periodo. En la 10ma di oktobro 2017, 209 dii pos l'elekto, anuncesis nova koalisuro de quar partisi, VVD, CDA, D66 e ChristenUnie.
La sequanta partisi (inter altri) partoprenis l'elekto:
| Partiso | Ideologio | Duktero | 2012 | 2017 | +/- |
|---|---|---|---|---|---|
| VVD, Volkspartij voor Vrijheid en Democratie | Liberala konservemi | Mark Rutte | 41 | 33 | -8 |
| PvdA, Partij van de Arbeid | Sociala demokrati | Lodewijk Asscher | 38 | 9 | -29 |
| PVV, Partij voor de Vrijheid | Dextra-populista, nacionalista | Geert Wilders | 15 | 20 | +5 |
| SP, Socialistische Partij | Socialisti, sociala demokrati | Emile Roemer | 15 | 14 | -1 |
| CDA, Christen-Democratisch Appèl | Kristana demokrati | Sybrand Buma | 13 | 19 | +6 |
| D66, Democraten 66 | Liberala demokrati | Alexander Pechtold | 12 | 19 | +7 |
| ChristenUnie | Kristana demokrati | Gert-Jan Segers | 5 | 5 | 0 |
| GroenLinks | Sinistra-verdi | Jesse Klaver | 4 | 14 | +10 |
| SGP, Staatkundig Gereformeerde Partij | Kristana konservemi | Kees van der Staaij | 3 | 3 | 0 |
| PvdD, Partij voor de Dieren | Animalo-yuri | Marianne Thieme | 2 | 5 | +3 |
| 50PLUS | Interesti di olda personi | Henk Krol | 2 | 4 | +2 |
| DENK | Multakulturalismo, turkonacionalismo | Tunahan Kuzu | 0 | 3 | +3 |
| VNL, VoorNederland | Euroskeptikismo, konservatismo | Jan Roos | 0 | 0 | Nova |
| FvD, Forum voor Democratie | Euroskeptikismo, dextro alternativa | Thierry Baudet | 0 | 2 | Nova |
| GeenPeil | Euroskeptikismo, direta demokratio | Jan Dijkgraaf | 0 | 0 | Nova |
| Piratenpartij | Dijitala* yuri, pirat-politiko | Ancilla van de Leest | 0 | 0 | 0 |
| Artikel 1 | Multakulturalismo | Sylvana Simons | 0 | 0 | Nova |
| Nieuwe Wegen | Sociala demokratio, populismo | Jacques Monasch | 0 | 0 | Nova |
Ante la elekto
[redaktar | redaktar fonto]Ye 2016 la chefo di la PvdA, Diederik Samsom, rezolvis ke esos elekto en la PvdA ye decembro 2016, por decidar la chefo dil partiso. Samsom profesis sua kandidateso ye la 23ma di septembro 2016,[1], parlamentano Jacques Monasch ye 13ma oktobro[2] e Lodewijk Asscher, vicechefministro, ye la 17ma di oktobro.[3] La popular urbestro di Rotterdam, Ahmed Aboutaleb, refuzis partoprenor. Monasch, qua volis chanjor la programo politikal se il triumfos, finigis sua kandidateso e forlasis la partiso ye 7ma di novembro 2016, restante parlamentano. La programo ja adoptesis da kongreso di partiso e la partiso ne permisos chanji. Il pose fondis nova partiso, Nieuwe Wegen, ye la 28ma di novembro 2016.[4] Lor la chef-elekto ye l 8ma di decembro 2016 Asscher vinkis ganante 54.5% de la voti.
Refero-noti
[redaktar | redaktar fonto]- ↑ [1] Diederik Samsom stelt zich opnieuw verkiesbaar als lijsttrekker PvdA, Volkskrant
- ↑ [2], Kamerlid Monasch kandidaat voor PvdA-lijsttrekkerschap, NRC
- ↑ [3] Asscher kandidaat lijsttrekker PvdA: 'We moeten ons niet laten ophitsen', RTL Nieuws
- ↑ [4] Ook insider Monasch presenteert zich als buitenstaander, Trouw