Niels Gade
Niels Wilhelm Gade (n. 22ma di februaro 1817, m. 21ma di decembro 1890) esis Daniana kompozisto, violinisto ed orkestrala direktisto.
Il naskis en København. Il divenis violinisto en la Rejala Daniana Orkestro, qua pleis ilua frua kompozuro Efterklange af Ossian ("Eki di Ossian") en 1841. Ilua unesma simfonio unesmafoye pleesis en Leipzig en 1843, direktita da Felix Mendelssohn. De 1844, rezidante in Leipzig, il esis vice-direktanto di la Orkestro Gewandhaus, e docis ye la Konservatorio. Ye la morto di Mendelssohn en 1847, il divenis chefa direktanto di l'orkestro, ma en 1848, kande milito komencis inter Dania e Prusia, il retrovenis a København.
Il kreis nova orkestro en København, ed il esis direktisto di la Konservatorio. Il kompozis ok simfonii, korala verki e kompozuri por mikra grupi. Inter ilua studenti esis Edvard Grieg e Carl Nielsen.