Omar Torrijos Herrera
| Omar Efraín Torrijos Herrera | ||
| ||
| Profesiono: | militisto (kolonelo) | |
| Lando: |  Panama
| |
| Naskodato: | 13 di februaro 1929 | |
| Nasko-loko: | Santiago de Veraguas, Panama | |
| Mortodato: | 31 di julio 1981 | |
| Morto-loko: | Amador, Panama | |
Omar Efraín Torrijos Herrera (1929 til 1981) esis Panamana militisto qua, kun Boris Martínez, esis un ek la chefi di la stato-stroko di 1968 en Panama. Ilu fakte komandis Panama til la 31ma di julio 1981 kande, segun la politikala aktivisto John Perkins, ilu asasinesis segun ordini de CIA.
Il negociis kun Jimmy Carter, lore prezidanto di Usa, la kontrato Carter-Torrijos, signatita ye la 7ma di septembro 1977. Ta kontrato retrodonis la kanalo di Panama a Panama.
Il esis la patro di Panamana ex-prezidanto Martín Torrijos Espino, qua guvernis lando de 2004 til 2009.