Ottorino Respighi
.jpg)
Ottorino Respighi (n. 9ma di julio 1879, m. 18ma aprilo 1936) esis Italiana kompozisto.
Il naskis en 1879 en Bologna, ube il studiis muziko ye konservatorio; de 1913 il esis profesoro di kompozado ye konservatorio en Roma.
La Pini di Roma
[redaktar | redaktar fonto]Ye 14 di decembro 1924, ye la Teatro Augusteo en Roma, Ilua orkestrala verko La Pini di Roma unesmafoye pleesis. Ol esis bone recevata. Ol esas la duesma de tri orkestrala verki da Respighi pri Roma: la unesma, Fonteni di Roma unesmafoye pleesis en 1917, e la triesma, Festo Romana en 1929.
La Pini di Roma havas quar movimenti: "La Pini di la Villa Borghese" piktas pueri ludanta an pini en la gardeno di la Villa Borghese; "Pini proxim Katakombo" solene deskriptas cirkumajo di Romana katakombo; "La Pini di la Janiculum" esas nokturno; e "La Pini dil Via Appia" piktas Romana armeo triumfale marchanta ye sunlevo vers Roma. La instrumentizo di ca lasta movimento postulas sis buccine: anciena cirklatra trumpeti uzita en la Romana armeo.