Pahrump, Nevada

De Wikipedio
Jump to navigation Jump to search
Bonveno a Pahrump

Pahrump esas urbo en la komtio NyeNevada, Usa.  En 2010 la habitantaro esis 36.441, pro quo ol esas la maxim granda habiteyo en la komtio.

Pahrump originale habitesis da la tribuo Suda Paiute.  Koloniisti lente arivis dum la tarda 19ma yarcento.  Li selektis la nomo Pahrump pro la originala indijena nomo Pah-Rimpi, od "Aquo-Roko," pro la abundanta arteza putei en la valo.  Pro la putei, la nova habitanti di Pahrump-Valo fondis plura granda ranchi*, precipue di grandeso plu kam 400 hektari.  Che la ranchi, luzerno e kotono kultivesis, ultre farm-animali.

Til la 1960a yari, Pahrump havis nula telefon-servo ecepte radio-telefonilo apud merkateto, ed esis nula bona stradi en od ek Pahrump-Valo.  Tamen, dum ke Las Vegas kreskis, spekulado pri imoblo plupopulareskis en la regiono, ed intereso augmentis pri Pahrump.  Sequis la endukto di telefon-servo e konstrukto di automobil-voyo de Las Vegas a Pahrump, dum la tarda 1960a yari.

Remarkinda komerci en la areo inkluzas Front Sight Firearms Training Institute e Spring Mountain Motor Sports Ranch, ultre plura legala prostituceyi quala la Chicken Ranch e Sheri's Ranch, e viteyi inkluzanta Sander's Familio-Viteyo e Pahrump Valo-Viteyo.

Pahrump esas la hemurbo di Art Bell, autoro e radio-hosto.  Il konocesas pro fondir Coast to Coast AM, dumnokta radio-programo pri *paranormala temi, konspiri ed altra stranjaji, programo quon il brodkastis de sua hemo.  Bell olim proprietis KNYE, lokala radio-kanalo situita en Pahrump.

Richa kazinestro de Las Vegas, Ted Binion, enterigis granda trezoro de arjento en sekreta subtera kripto en Pahrump.  En 1998 Binion mortis en suspektinda cirkonstanci, ed un ek la akuziti pri ocido di Binion arestesis dum ekterigar la kripto.

Pahrump esas la hemo dil triesma kunfondinto di Apple ComputerRonald Wayne.  Wayne nun quiete rezidas ibe, e vendas postmarki e rara moneto.