Ponto di Québec

Pozado di la centrala segmento di la ponto en 1919

La Ponto di Québec transiras la Fluvio St. Lawrence, de Urbo Québec a Lévis, en la provinco Kebekia, Kanada.

Ol apertesis ye 3 di decembro 1919. Olua longeso esas 987 m, la centrala extendo esante 549 m; ol transiras la Fluvio St. Lawrence, de Urbo Québec a Lévis. Tala projeto konsideresis en 1852, e plurafoye pose; kompanio por konstruktar la ponto esis establisata en 1887 ma konstruktado komencis plura yari pose. La ponto, preske kompleta, krulis en 1907; 75 laboranti mortis. Ol esis ri-desegnata, ma en 1916 la centrala segmento falis aden la fluvio dum pozado, e 13 laboranti mortis. La ponto esis fine kompletigata en agosto 1919.