Primtipo

De Wikipedio
Taroko-karto montras figuro qua povas asociesar kun la primtipo "heroo".

Primtipo esas generala, idealigata modelo di personi, objekti, o konceptaji, de qui simila instanci derivesas, kopiesas, konformigesas, od imitesas.

Segun Jung-ana psikologio, "primtipo" esas universala ed arkaika simboli ed imaji, qui devenas de tale nomizita "kolektiva nekoncio". Ca simboli ed imaji esas la psikala kontreparto dil instinto. On povas deduktar l'existo di primtipi nur per l'analizo di arto, rakonti, miti, religii, o sonji.

Jung deskriptis, kom primtipa eventi: nasko, morto, separo da genitori, l'inicieso, la mariajo e l'unigo di opozanti. Kom primtipa personi: la matro, la patro, la puero, la diablo, Deo, la saja oldulo, la saja oldino, la trompero, e la heroo. E kom primtipa temi: apokalipso, diluvio, e la mito pri kreado. Quankam existas senfina primtipi, "le precipua" segun Jung, esas "l'ombro", "la saja oldulo", "la puero", "la matro", e lua kontreparto, "la damzelo", la primtipal imajo pri la viri, nomizita animus da Jung, e lua kontreparto ánima, o la primtipal imajo pri mulieri.