Religio

De Wikipedio
Jump to navigation Jump to search
Diversa simboli religiala

Religio esas kulturala sistemo di konduti e praktiki, vidpunto pri la mondo, etiko e social organizuro qui relatas la homaro a la supernaturajo, trancendanteso, e spirital elementi. Tamen, ne existas unika erudita opiniono pri "quo precize konstitucas ula religio.[1]

Multa religii anke havas naraci, simboli e sakra historii qui pretendas explikar la senco di la vivo, o l'origino di la vivo o dil universo. Segun lia kredo pri la kosmo e la homala naturo, ula persono povas adoptar specifika moralo, etiko, religiala normo e vivostilo. Segun kelka statistiki, existas cirkume 4.200 religii praktikata en la mondo, e sennombra altra religii extingita.[2]

La religio esas fenomeno qua existas en omna kulturi, de la prehistorio til num. Dum Paleolitiko e dum granda parto di la historio di la homaro, la religio uzesis por komprenar ed explikar la naturala fenomeni e por influar li.[3] Fenomeni quale klimato, la sezoni, la vivo, la morto, la kreado, la vivo pos la morto, e la strukturo dil kosmo esis subjekti por religiala expliki, qui mencionis dei qui kontrolis ica fenomeni, o mencionis loko nevidebla por la homi ma habitata da deaji e mistika enti.[3] La religio esis la formo por mantenar komuniko, per rituali e pregi, kun ica deaji, ed ica religiala praktiki helpis mantenar la kohero interne la sociala grupi, plufortigar la hierarkio e krear senco pri identeso koletiva.[3]


Commons-emblem-trademark-issue.svgNuvola apps edu mathematics-p.svg
Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc.
Ka vu povas helpar ni revizar ol? Nuvola apps edu science.svg

Konvinkeso pri salvesko segun mondala religii[redaktar | redaktar fonto]

Segun la religii naskinta en Proxim Oriento

  • Kristanismo: Pos morto la cielo esas bona stando. On venos aden olu tra la lasta verdikto. Iesu uzis pri la stando la nomo “Deala imperio”, “Imperio dil Deo” e “Ciencala imperio”. Klefal afero por lo esas vido dil Deo e prezenteso.
  • Judaismo: Judaismo esas maxim min kelka interesata pri la posmortala vivo. La paradizo esas pacala stando, la gardeno di Edeno. On acensos a cielo dum la lasta dio en Israel. La krederi salveskos pro etikala boneso e Deala graco.
  • Islamo: Dum morto la spirito separas su ek la kadavro e li unionos su itere ye acensala dio. Til l’ acenso la mortinto esas en intertempala stando. Segun islamala tradiciono, la profeti e martiri povas enirar la paradizo quik pos morto.

Segun religii naskinta en India

  • Hinduismo: En salvesko l’unika spirito fuzas su en Brahman, la mondala spirito. La deskripto pri la finala stando esas obskura. Per redemto on ganas neutrala stando, en qua la ri-naskado ruptos.
  • Budismo: La Nirvana esas la stando dil redemto e l’ adversa stando dil realeso dil fenomeni. On atingos ol per konocata ritui e meditado. En la Nirvana omna funcioni dil korpo ed amno finabis. La figuro di Buda esas idolo pri atingo la Nirvana.
  • Sikismo
  • Ayyavali

Segun Chiniana e Japoniana religii

  • Konfuceismo e Shintoismo: Konfuceismo e shintoismo esas sistemi, qui relatas maniero-kulturo ed etikala boneso. Li ne havas klara filozofio propra pri posmortal eventi. Pri posmortal eventi on rekursas buddhaista konvinkeso.

Altri[redaktar | redaktar fonto]

Wikipedio
Wikivortaro explikas
ca rubriko
en altra lingui: Religio

Referi[redaktar | redaktar fonto]

  1. (2013) - 50 Great Myths of Religion - pp. 12-17 Wiley-Blackwell.
  2. (25ma di decembro 2013) Un planeta con 4.200 religiones vivas e incalculables creencias ya extinguidas.
  3. 3,0 3,1 3,2 (tradukita a la Portugalana da Bruno Alexander) (2013) - O Livro das Religiões (tradukita del Angla The religions book) - . Editora Globo S.A..