Prishtina
| Prishtinë | ||
| ||
| Kelk imaji pri Prishtinë. | ||
|
| |
| Standardo | Blazono | |
| Lando: |  Kosovo
| |
Informo:
| ||
| Latitudo: | 42°39'48"N | |
| Longitudo: | 21°9'44"E | |
| Altitudo: | 652 m | |
| Surfaco: | 572 km² | |
| Habitanti: | 198 112 (2011) | |
| Denseso di habitantaro: | 962 hab./km² | |
| Horala zono: | UTC+1 (UTC +2 dum somero) | |
| Urbestro: | Përparim Rama (LDK) | |
Mapo:
| ||
| ||
Oficala retosituo:
| ||
| https://kk.rks-gov.net/prishtine/ | ||
.jpg)
Prishtina (Albaniane Prishtinë) esas la chef-urbo e maxim populoza urbo di Kosovo. Segun statistiki dil yaro 2011, ol havis 198 112 habitanti. Lua tota surfaco esas 572 km².
Dum l'Antiqueso, l'urbo apartenis a la rejio Dardania, e pose a Romana imperio. Kande Romana imperio dividesis en du, la regiono divenis parto di Estala Romana imperio, pose Bizancana imperio til la 9ma yarcento, kande ol cedesis al Unesma Bulgara imperio. Dum la komenco dil 11ma yarcento ol itere anexesis da Bizancana imperio, ed ye la fino dil 11ma yarcento ol anexesis da Duesma Bulgara imperio. Dum la 13ma yarcento ol anexesis da Rejio Serbia ed esis parto dil Imperio Serba til ke ol okupesis da Otoman imperio. En 1914 ol anexesis da Rejio Serbia ed en 1948 ol divenis chef-urbo dil autonoma provinco Kosovo en Yugoslavia. Pos la nedependo di Kosovo en 2008 ol duris esar lua chef-urbo.
Lokizita an la centro geografiala di Kosovo, Prishtina esas la centro financala, ekonomiala, komercala e politikala di la lando. Ibe jacas l'oficala rezideyi di la prezidanto e di la chefministro, ed anke la parlamento di Kosovo. Ol ank esas koncentro-punto di ferovoyala, choseala ed aerala transporti di la lando. Lua internaciona aeroportuo esas la maxim importanta di la lando ed un ek la maxim importanta di Balkani. La maxim multa habitanti dil urbo esas etniale Albaniana, e nomizas su Prishtinali.
Geografio
[redaktar | redaktar fonto]
La reliefo di Prishtina esas plana kun kelka kolini, jacanta sur aluvionala platajo, proxim kolini Gollak. Lua mezavalora altitudo esas 652 metri super la marala nivelo.
La klimato di Prishtina esas oceanala (Cfb segun la klimatala klasifikuro da Köppen). La mezavalora temperaturo en januaro (vintro) esas -0.6°C, kontre ke la mezavalora temperaturo en agosto (somero) esas 21.8°C.
La mezavalora yarala pluvo-quanto dil urbo esas 597.9 mm. La maxim pluvoza monatI esas mayo e novembro, kun mezavalore 68.2 mm. Omnayare Prishtina recevas mezavalore 2909 hori di sunala lumo. Julio esas la maxim sunoza monato dil yaro: mezavalore, l'urbo recevas 11,5 hori di sunala lumo omnadie. Kontraste, en januaro ol recevas mezavalore min kam 4,5 hori di sunala lumo omnadie.