Rhythm and blues

De Wikipedio
(Ridirektita de R&B)
Ta artiklo esas klada. Se tu konocas la temo dil artiklo, tu povas helpar ni plugrandiganta ol.

Rhythm and blues, o simple R&B esas populara jenro muzikala qua originis en Afrik-Usana komunitati dum la yari 1940ma.[1] Ca frazo uzesis por distingar l'enrejistruri muzikala facita da Afrik-Usan artisti, dum epoko en qua muzikala stilo kun forta bato, origininta de jazo, komencis populareskar.

La signifiko di la termino rhythm and blues modifikesis multafoye dum la historio. Exemple, dum la yari 1950ma, ca termino ofte uzesis por blues.[2] Pos ke ca stilo kontributis por la developo di rock, blanka artisti komencis uzar ca termino por muzikala stili qui developesis de la nomizita "elektrala blues", to esas, gospel e soul. Dum la yari 1960ma, multa Britaniana bandi, exemple The Rolling Stones, The Who e The Animals, aludesis kom "R&B-bandi". Dum la yari 1970ma, la termino uzesis por enrejistruri muzikala di soul e funk. Fine, de la yari 1990ma til nun, ca termino uzesas por jenro di pop-muziko kun influi de funk, hip-hop e/o soul.

  1. The new blue music: changes in rhythm & blues, 1950–1999, p. 172.
  2. The new blue music: changes in rhythm & blues, 1950–1999, p. 8