Rasala masakro di Tulsa

La rasala masakro di Tulsa, Oklahoma, eventis ye la 31 di mayo ed 1ma di junio 1921. La kauzo di la masakro esis incidento pri blanka puerino, pos qua blanka habitanti di Tulsa organizite atakis nigra habitanti di la quartero Greenwood. Inter 75 e 300 afrikan-usana habitanti mortis pro l'ataki. Ol esas la maxim violentoza rasistala sedicio di Usa.

Greenwood esis prosperanta quartero de afrikan-usani, ol havis la surnomo la Wall-strado di Negri. La nigra habitanti vivis separate de la blanki ed esis sucesoza. Li havis sua propra mediki, skoli e kirki. Lia suceso efektigis jaluzeso inter la blanki.