Tulsa, Oklahoma

Tulsa
Aeral imajo pri Tulsa.
Standardo	Blazono
Lando:	Usa
Stato:	Oklahoma
Informo:
Fondita ye:	18ma di januaro 1898
Latitudo:	36°07'53" N
Longitudo:	95°56'14" W
Altitudo:	194 m
Surfaco:	522,79 km²
Habitanti:	413 066 (2020)
Denseso di habitantaro:	806,44 hab./km²
Disto de Oklahoma-urbo:	170,3 km
Horala zono:	UTC-6 (UTC-5 dum somero)
Urbestro:	Monroe Nichols (D)
Mapo:
Oficala retosituo:
www.cityoftulsa.org

Muzeo Philbrook.

Tulsa esas la duesma maxim granda urbo di Oklahoma, Usa, e komtio-sideyo di komtio Tulsa. Segun la demografiala kontado di 2020, ol havis 413 066 habitanti. Lua tota surfaco esas 522,79 km², equivalanta a 201,85 mi², di qui 512,21 km² (197,76 mi²) esas lando e la cetera esas aquo. Lua metropolala regiono havis 1 034 123 habitanti ye la sam yaro.

Tulsa unesme habitesis da la tribuo Lockapoka Creek inter 1828 e 1836, ed enkorpigesis en 1898. La vorto Tulasi esas vorto de linguo Creek signifikante anciena urbeto. Granda parto di Tulsa ankore apartenas a la teritoro di populo Muskogee (Creek).

Kande petrolo deskovresis proxim l'urbo en 1901, la habitantaro subite kreskis, ed en 1907 ja esis 7 298 personi. En 1920 ol atingis 72 mil habitanti. Nun, ultre energio, altra importanta ekonomial agado esas financala sektoro, telekomuniko e teknologio. Nun, l'universitati University of Oklahoma ed Oklahoma State University havas kampusi en la urbo. Du altra universitati havas studenti en la precipua grupo di la ligo pri atletismo universitatala (Division I) di Usa: l'Universitato di Tulsa (University of Tulsa) ed Oral Roberts University,

L'aeroportuo internaciona di Tulsa recevas 3 milion voyajanti omnayare.

Metropolo

	Norde: Bartlesville Owasso Skiatook Collinsville
Weste: Sand Springs Sapulpa	Tulsa	Este: Catoosa Wagoner Claremore
	Sude: Jenks Broken Arrow Coweta Glenpool Bixby Okmulgee

Komtii en la metropolo

• Tulsa
• Rogers
• Osage
• Wagoner
• Okmulgee
• Pawnee
• Creek

Urbi en la metropolo

Bartlesville, Bixby, Broken Arrow, Catoosa, Claremore, Collinsville, Coweta, Glenpool, Jenks, Owasso, Okmulgee, Sand Springs, Sapulpa, Skiatook e Wagoner.

Demografio

Segun la demografiala kontado di 2000, esis 393 049 homi, 165 743 hemanari, e 99 114 familii qui rezidis en la urbo. La denseso di habitantaro esis 830.9/km² (2.152.0/mi²). Esis 179 405 domi kun mezavalora denseso di 379.2/km² (982.3/mi²). Segun raso, esis 70.09% Blanki, 15.47% Negri od Afrikan-Usani, 4.72% indijeni Amerikana, 1.82% Aziani, 0.05% Pacifik-insulani, 3.45% de altra rasi, e 4.40% de du o plura rasi, ed adminime 7.15% de la habitantaro esas Hispan-Usani o Latin-Amerikani de irga raso, pro plu multa personi sen dokumenti o registri vivis en l'urbo.

Esis 165 743 hemanari, di qui 28.5% havis pueri od adolecanti evanta min kam 18 yari en la domo, 43.1% esas mariajita e habitis kune; en 12.9% muliero sen spozulo esis la domo-chefo, e 40.2% esas ne-familii. Ek omna hemanari, 33.9% habitesis da singla individuo, e 9.8% habitesis da singla individuo evanta 65 yari o pluse. La mezavalora grandeso po hemanaro esas 2.31 personi e la mezavalora grandeso po familio esis 2.98 personi.

La procento di habitanti segun evo esis: 24.8% evanta min kam 18 yari, 10.9% de 18 til 24 yari, 29.9% de 25 til 44 yari, 21.5% de 45 til 64 yari, e 12.9% evanta 65 yari o pluse. La mezavalora evo esas 34 yari. Po singla 100 mulieri esas 93.5 viri. Po singla 100 mulieri evanta 18 yari o pluse esis 90.4 viri.

La mezavalora revenuo po hemanaro en la urbo esas $35m316, e la mezavalora revenuo po familio esis US$ 44 518. La mezavalora revenuo por la viri esis US$ 32 779 kontre US$ 25 587 por la mulieri. La revenuo per capita por la urbo esas US$ 21 534. Vivis sub povreso-lineo 14,1% de la habitantaro e 10,9% de la familii, inkluzite 20,5% ek omna habitanti evanta min kam 18 yari, e 8,3% ek omna habitanti evanta 65 yari o pluse.