Petrolo

De Wikipedio
Molekulo di oktano, trovita en petrolo.

Petrolo (de Greka vorti πετρή petros - petro, ed ολέον oleos - oleo) esas liquido qua existas subtere en kelka regioni di la Tero e konsistas ek multa substanci, nome hidrokarbi.

Petrolo uzesas precipue por obtenar kombustivi (Dizelo, gazolino, kerozeno, ec.) qui esas importanta fonti di energio. Altra uzaji esas kom kruda fonto por fabrikar plastiko, solventi, pest-ocidili, ec.

Nafto esas parto de petrola rafino-procedo.

La maxim granda petrolo-kompanii del mondo[redaktar | redaktar fonto]

Limitala materiajo[redaktar | redaktar fonto]

Oceanala platformo por exploto di petrolo.

En 2004, konsumesis 3,9 miliardi tuni di petrolo en tota mondo. Tamen ol esas limitizita materiajo, qua finos ul-die. En 2005 on kalkulis ke la somito en la petrolala produktado atingesus dum la yari 2030a. Kelka specalisti prediktas ke la somito venus plu frue, kontre ke altri prediktas ke ol venus plu tarde, tamen omni konkordas ke nova energio-fonti mustos uzesar, samatempe kam nova petrolala jaceyi esos od esus trovata.

La jaceyi di petrolo konocata de la mondo - segun la situeso en 2004 - esas:

  1. Proxim-Oriento - 100,0 miliardi tuni - 61,7 %
  2. Eurazia - 19,0 miliardi tuni - 11,7 %
  3. Afrika - 14,9 miliardi tuni - 9,4 %
  4. Central e Sud-Amerika - 14,4 miliardi tuni - 8,5 %
  5. Nord-Amerika - 8,0 miliardi tuni - 5,1 %
  6. Rivala stati dil Pacifiko - 5,5 miliardi tuni - 3,5 %

La jaceyi di petrolo konocata de la 12 maxim granda produkteri en 2004:

  1. Saudi-Arabia - 36.1 miliardi tuni
  2. Iran - 18.2 miliardi tuni
  3. Irak - 15,5 miliardi tuni
  4. Kuwait - 13,6 miliardi tuni
  5. Unionita Araba Emirii - 13.0 miliardi tuni
  6. Venezuela - 11,1 miliardi tuni
  7. Rusia - 9,9 miliardi tuni
  8. Kazakstan - 5,4 miliardi tuni
  9. Libia - 5,1 miliardi tuni
  10. Nigeria - 4,8 miliardi tuni
  11. Usa - 3,6 miliardi tuni
  12. Kanada - 2,4 miliardi tuni