Rejeso e rejio di Dio
La koncepto dil rejeso di Dio aperas en omna Abrahamana religii qui en kelka okazaji la termini "Regno di Dio" e "Regno dil Cielo" anke esas uzata. La nociono dil rejeso di Dio retroiras al Hebrea Biblio, qua referas a "Lua regno" ma ne inkluzas la termino "Regno di Dio".
La "Regno di Dio" e olua equivalanta formo "Regno dil Cielo" en l'Evangelio di Mateo esas unu dil chefa elementi di l'instruaji di Iesu en la Nova Testamento. L'Evangelio di Marko indikas ke l'evangelio esas la bona novajo pri la Regno di Dio. La termino rilatas al rejeso di Kristo super la tota kreo. La frazo "Regno dil Cielo" aperas en l'evangelio di Mateo, precipue pro la judaja sensiviteso pri prononcado di la "nomo" (Dio). Iesu ne instruktis pri la Regno di Dio, ma plu pri la reveno di ica regno. La nociono pri la reveno dil regno di Dio (quale ol esis sub Moshe) igis agitado en "Kanaano," moderna Israel, Palestina, e Libano, 60 yari ante la nasko di Iesu, e kontinuis esar forto preske cent yari pos Lua morto. Bazante sur instruaji di l'Anciena Testamento, la kristana karakterizo dil rilato inter Dio e homaro inherente inkluzas la nociono dil "Rejeso di Dio".