Rubeolo

Rubeolo esas infektiva morbo produktita da viruso. Lua simptomi aparas de 10 til 12 dii pos expozo ad infektita individuo, e duras dum 7 til 10 dii. Komence, lua simptomi esas febro (ordinare de plu kam 40°C), tuso, nazala fluo, ed inflamita okuli. Mikra blanka punti, konocata kom "punti di Koplik" povas aparar en la boko du o tri dii pos la komenco di la simptomi. Reda erupti en la pelo aparas de 3 til 5 dii pos l'infekto. Altra kompliki anke povas eventar, exemple diareo (en 8% de la kazi), infekto en l'orelo (7%) e pulmonito (6%). Ca lasta simptomi povas aparar pro ke la viruso ank efektigas supreso di imuneso.