San-Juan
| Autonoma Municipo San-Juan Municipio Autónomo de San Juan (Hispana) Autonomous Municipality of San Juan (Angla) | ||
 | ||
| Plajo Condado, en San-Juan. | ||
 |
 | |
| Standardo | Blazono | |
| Lando: |  Usa | |
| Teritorio: |  Porto-Riko | |
Informo: | ||
| Latitudo: | 18°24′23″N | |
| Longitudo: | 66°3′50″W | |
| Altitudo: | 8 m | |
| Surfaco: | 199 km² | |
| Habitanti: | 342 259 (2020) | |
| Denseso di habitantaro: | 2759.5 hab./km² | |
| Horala zono: | UTC-4 | |
| Urbestro: | Miguel Romero Lugo (PNP) | |
Mapo: | ||
 | ||
Oficala retosituo: | ||
| sanjuan | ||
San-Juan esas la chef-urbo e maxim populoza urbo di Porto-Riko. Segun la demografiala kontado di 2020, ol havis 342 259 habitanti. Lua tota surfaco esas 199 km², de qui 75,4 km² esas aquo.
L'urbo fondesis en 1521 da Hispana explorero Juan Ponce de León e nomizesis pro San Juan, Hispana nomo por 'Santa Ioannes'. San-Juan esas la 3ma maxim anciena urbo establisita dal Hispani en Amerika. Existas diversa historiala edifici en ol, exemple fuorti San Felipe del Morro e Castillo San Cristóbal.
Nun, San-Juan ank esas la precipua portuo di Porto-Riko, ed importanta centro financala, kulturala e turismala. L'urbo gastigis diversa sportala championkonkursi, exemple la Tot-Amerika Ludi di 1979, e la Ludi di Central-Amerika e Karibia en 1966. Ol esas sideyo di diversa universitati e fakultati, exemple l'Universitato di Porto-Riko.
Geografio
[redaktar | redaktar fonto]
La reliefo di San-Juan esas plana kun basa kolini proxim la litoro, e plu alta kolini sude del urbo. Lua mezavalora altitudo esas 8 metri, e lua maxim alta punto esas kolino sennoma en Caimito, quartero sude del urbo proxim urbo Caguas, jacanta 314 metri super la marala nivelo.
La klimato di San-Juan esas tropikala, influata da musono (Am segun la klimatala klasifikuro da Köppen), qua posibligas kresko di planti dum la tota yaro. La temperaturi ne varias multe dum la tota yaro: la mezavalora temperaturo en agosto e septembro (somero) esas 28,6°C, kontre ke la mezavalora temperaturo en januaro (vintro) esas 25,3°C. Mezavalore, dum 79 dii de la yaro enrejistresas temperaturi super 32°C.
La mezavalora yarala pluvo-quanto esas 1521 mm, e la maxim pluvoza monato esas novembro, kun mezavalore 187 mm. Ne existas monato komplete sika.