Shablono:Eventi/27 di septembro

De Wikipedio
Salti al navigilo Salti al serĉilo
Paris (75), musée des Arts et métiers, Ford model T, 1908 1.jpg
Ford Model T
  • 1389. En Firenze, Cosimo de' Medici naskis. Ilua patro esis bankisto, de qua Cosimo heredis sua richajo. Il utiligis la richajo por ganar politikala povo en Firenze; il divenis (fakte ma ne oficale) guvernanto di la urbo, esante la unesma de la Medici-dinastio. Ilua filiulo Piero, e Lorenzo filiulo di Piero (tatempe konocita kom Lorenzo il Magnifico), simile divenis guvernanti di Firenze. La banko di le Medici divenis la maxim importanta banko en Europa dum la 15ma yarcento.
  • 1908. En Detroit, Michigan Usa, la unesma veturo Model T departis de la Ford-fabrikerio. Henry Ford volis ke veturo esez produktata, olqua esus suficante chipa por granda nombro di personi. La Model T esis amasale produktata sur movanta asemblo-linei. En 1918, duimo de la veturi en Usa esis le Model T. Kande produktado cesis en 1927, plu kam 15 milion veturi esis fabrikita.
  • 1917. En Paris, la piktisto Edgar Degas mortis. Naskinte en Paris en 1834, il havis intereso en arto dum yuneso. Il renkontris la piktisto Dominique Ingres en 1855, ed en ta yaro il komencis studiar ye la École des Beaux-Arts. De 1856 til 1859 il rezidis en Italia, e kopiis verki de la renesanco. Ye retroveno a Paris il produktis historiala pikturi. De 1866 ilua pikturi montris aktuala temi; ca chanjo esis influita da la piktisto Édouard Manet. Dum plura yari de 1874 il produktis ilua maxim famoza pikturi, quin il expozis kun verki da Impresionista artisti.