Shablono:Eventi

De Wikipedio
Salti al navigilo Irez a serchilo
en historio
dum julio
50, 100 e 250 yari ante nun …


10 di julio 1970. Bjarni Benediktsson, chefministro di Islando, mortis en fairo ye ilua somerala rezideyo en Þingvellir; ilua spozino e nepoto anke mortis en la fairo. Benediktsson, naskinta en 1908, studiis lego ed, evante 24 yari, divenis profesoro ye la Universitato di Islando. Il divenis exterlandala ministro en 1947, e pose tenis altra ministrala ofici. De 1963 il esis chefministro.

21 di julio 1920. En Kremenets en Polonia (nuntempe en Ukraina), la violinisto Isaac Stern naskis. La familio ekmigris kande Isaac evis 14 monati, a San Francisco, Usa; de 1928 til 1931 il studiis ibe ye la Konservatorio di Muziko. Il debutis en 1936, pleante la violino-koncerto-peco no. 3 da Saint-Saëns, kun la Simfonio di San Francisco. Dum ilua kariero il pleis verki por violino ed orkestro de la klasika periodo, e di la 20ma yarcento, e facis multa sono-registri.

1 di julio 1770. Kometo Lexell atingis minima disto de Tero, cirkume sis-opla di la disto de Tero a la luno. La kometo deskovresis ye 14 junio 1770 da Charles Messier; dum la sequanta dii ol divenis plu brilanta, ed ol videsis da altra astronomi. Ye minima disto la centro di la kometo, observata de Tero, esis tre granda. Ol lasta-foye videsis da Messier ye 3 Oktober, ed ol nultempe pluse videsis. Anders Johann Lexell, kalkulante la orbito di la kometo, konjektis ke la planeto Jupitero perturbis olua orbito, ante e pos olua aparo proxim Tero.