Lucy (fosilo)
Lucy esas quaza-homino qua vivis cirkume 3,2 milion yari ante nun.
Ye 24 di novembro 1974 en Hadar, Etiopia, Donald Johanson, paleoantropologiisto de la Muzeo di Naturala Historio ye Cleveland, Usa, deskovris multa fosiligita osti, 40 procent de skeleto di la quaza-homino. La skeleto esas de la genero Australopithecus; elua kranio esas plu mikra kam moderna homi, ma indiki montras ke elu marchis rekte, quale moderna homi.
Ol nomizesis "Lucy", pro ke, pos la unesma dio di exkavado, la kansono "Lucy in the Sky with Diamonds", da The Beatles, pleesis ye la kampeyo di la expediciono.