Shablono:Eventi/8 di novembro

De Wikipedio
Salti al navigilo Irez a serchilo
Downtown-winnipeg.jpg
Centrala Winnipeg
  • 1656. En Anglia, Edmond Halley naskis. Il esis astronomo, geofiziko, matematikisto, meteorologiisto e fizikisto. Il esas nun konocata precipue pro la kometo, nomizita la Kometo di Halley, di qua il kalkulis la orbito. Il havis intereso pri matematiko ye fruo evo, e de 1673 il studiis ye la Universitato di Oxford. En 1675 il divenis helpanto di la unesma Rejala Astronomo John Flamsteed, e sucedis il en ta ofico en 1720.
  • 1873. La urbo Winnipeg, en la Kanadana provinco Manitoba, esis enkorpigata. Ca regiono esis antee la Kolonio di la Reda Fluvio, qua esis establisata en 1811. En 1869 eventis rebeleso en la regiono: konflikto inter lokala provizora guvernado di le Métis, direktata da Louis Riel, e nova koloniisti de la esto. La rebeleso esis haltigata, quo duktis a la introdukto di Manitoba kom nova provinco di Kanada en 1870.
  • 1890. La kompozisto César Franck mortis, evante 67 yari. Il naskis en Liège en nuntempa Belgia; de 1858 il esis orgenisto di kirko en Paris, e de 1872 il esis docero ye la Konservatorio di Paris. Ilua unika simfonio esis unesmafoye pleata en 1888. Il mortis pro plevrito, kelka monati pos ke il sufris hazardala kapo-vunduro en strado di Paris, quo semblante domajis ilua saneso.