Sindromo fetala pri alkoholismo
La Sindromo fetala pri alkoholismo (Angle: Fetal Alcohol Syndrome - FAS) esas traumato qua afektas embrioni pro trouzo di alkoholo da la matro. FAE (Angle: Fetal Alcohol Effect) esas min grava formo di ca traumato. Ca sindromo afektas de 2% til 5% ek omna pueri naskinta en Usa ed en westal Europa.
La simptomi esas:
- tardega kresko, mem dum la gravideso e pos la nasko.
- detrimento en la centrala nervala sistemo, qua desfaciligas la lernado, koordino movala e koncentro-habileso. Ol anke duktas a konduto-detrimento. Kelka pueri povas sordeso o blindeso.
Pueri kun ca sindromo havas mikra kapo ed okuli. La palpebri esas mikra e streta. La supera labio esas glata e la disto inter la labio e la nazo esas longa. La zigomatala osti esas basa e la mandibulo esas mikra. La mikrocefalio* e la graveso di la traumato korelatas, ma la normala vidado ne signifikas ke ula lerno-desfacileso e konduto-problemi ne aparos pose.
L'uzo di alkoholo da la matro dum la gravideso esas la maxim severa kauzo di la developo-tempala e l'embrionala traumato di la bebei en industriizita landi. L'experti ne savas la quanto maxima di alkoholo quan ula gravida muliero povas drinkar. Pro to, esus maxim bona ne konsumar alkoholala drinkaji dum la gravideso.