Sistemo di kustumi e tradicioni

De Wikipedio
Salti al navigilo Irez a serchilo

En Mexikia on konocas neformale la Sistemo di kustumi e tradicioni (Hispane: usos y costumbres) a sistemo di autoguvernado praktikata da multa municipi de indijena populani por regular vivado en lia socio. Ca sustenesas per la 2esma artiklo dil Mexikiana Konstituco.

Quankam l'introduktado di ca sistemo en la feldo elektala videsas quale vinko dal indijenismo, certe ofte generabas multa kritiki. L'elekti facita per ca sistemo ofte esas kaosoza ed ambigua, ed on relatas oli al korupteso. Dum l'unesma elekti facita en la stato Oaxaca, adminime la quaresma parto del municipi ube eventis elekti kontestis la rezulturi dil votado, e kelkakaze oli finis violentoze. La kritiki anke traktas pri ke l'elekti apogata sur la tradicionla kustumi ne relatas la liberala demokrateso. En 2007, ca klaso di elekti atencigis omnu kande la voturi dil kandidatino Eufrosina Cruz Mendoza, qua konkursis por la posteno di komonestro di Santa Maria Quiegolani, Oaxaca, senvalidigis pro la fakto ke el esis muliero.