Irez a kontenajo

Sofisto

De Wikipedio
Por la sinonimo di argumento trompiva, nevalida o nekorekta, videz sofismo.

Sofistiko[1] esas la arto o kapableso di tale-nomizita sofisto, to esas, sorto di docisto di filozofio e retoriko en Anciena Grekia, qua docis la maniero pledar, alterne, "por" e "kontre" ula tezo, sen egardar olua exakteso o vereso. La termino "sofisto" (Angle: sophist; Hispane: sofista; France: sophiste; Germane: Sophist; Italiane: sofista; Ruse: софист) venas de la Greka vorto σοφός [sophós], «saja».

Platon kritikis sofisti pro lia formalismi e pro lia retoriko kun dialektikala trompaji, postulante docar vertuo e bonajo a la homi, ordinare richa individui qui povis pagar lia docado. Exemple, en la texto Gorgias, Platon deskriptas sofisti kom "trompiva", quo justifikas la nuna senco di "sofismo".

Referi[redaktar | redaktar fonto]

  1. Sofistiko - Publikigita da Ido Wikivortaro. URL vidita ye 23ma di januaro 2021. Idiomo: Ido.
Wikipedio
Wikipedio
Wikivortaro explikas
ca rubriko
en altra lingui: Sofisto