Tallinn

Oleviste kirik, la kirko di Sankta Olav, esas la maxim alta kirko en la urbo

Tallinn esas chef-urbo di Estonia. Ol jacas en nordal rivo di Estonia, apud Golfo di Finlando. Habitanti 400 400 (ye 2000), 387 200 (ye 2003).

Estoniani di Räval fondis fuorto sur Toompea-kolino ye 11ma yar-cento. En Rusa anali ol nomizesas Koliva, en kroniko di Henrik Lindanine. Ye 1219 Dani invadis la fuorto e li konstruktis nova fuorto ek petro. Pokope exter-landani startis uzar nomo Reval ma Estoniani parolis pri Taani linn ‘fuorto (pose ‘urbo’) di Dani’. Depos 1249 Reval (Tallinn) havis urbala yuri ed ol divenis importanta urbo en Hansa-uniono.

Nun Tallinn havas tre pitoreska centro antiqua e bela sub-urbo anciena ma cirkum urbo esas etajala domi konstruktita dum sovieta ero.

Tallinn konsistas 8 distrikti: Haabersti, Kesklinn (centro), Kristiine, Lasnamäe, Mustamäe, Nõmme, Pirita, Põhja-Tallinn (nordo-Tallinn). Di ci distrikti maxim populoza esas Lasnamäe, Mustamäe e Haabersti. Pasajero-portuo, aero-portuo, buso-staciono e relo-staciono esas omni proxima de urbo-centro. Apud centro historikala la "city" - nova distrikto kun alta domi - esas konsktruktota.

Anciena urbo dividas aden du distrikti: Alta Urbo e Basa Urbo. Alta urbo esas vere la kastelo, ed basa urbo esas distrikto ube diversa mastri e vendisti lojis.