Sputnik 1

De Wikipedio
Sputnik 1

Sputnik 1 esis la unesma satelito artificala qua atingis orbito cirkum Tero.

Ol lansesis de kosmodromo Baikonur ye 4 di oktobro 1957. La projeto esis kontributajo di Soviet-Uniono por la Internaciona Geofizikala Yaro 1957-8. Ca artificala satelito esis aluminia sfero, diametro 58cm, qua portis quar anteni. Olua pezo esis 83 kg e periodo di orbito esis 98 minuti. Interne esis radio-transmisanto, kun povo de kemiala baterii, qua funcionis dum quar semani; la simpla signalo de la satelito recevesis da multa terala observanti. Ye 4 di januaro 1958 ol ri-eniris terala atmosfero e par-brulis.