Steven Spielberg
| Steven Spielberg | ||
_(cropped).jpg) | ||
| Profesiono: | cinematografisto, cenaristo, produktisto | |
| Lando: |  Usa | |
| Naskodato: | 18 di decembro 1946 | |
| Nasko-loko: | Cincinnati, stato Ohio, Usa | |
| Retoloko: | https://amblin.com/steven-spielberg/ | |
Steven Allan Spielberg (n. ye la 18ma di decembro 1946) esas un ek la maxim famoza e sucesoza Usana cinematografisto, cenaristo e filmo-produktisto. Ilu premiizesis multafoye, inkluzite per du Oscar-premii pri Maxim Bona Filmifisto. Ilua unesma importanta cinematografuro esis Jaws, lansita en 1975, sequita da Close Encounters of the Third Kind (1977), E.T. the Extra-Terrestrial (1982), l'aventuro-filmi Indiana Jones, ciencala-fiktivajo-filmo Jurassic Park, ed altri.
Jaws
[redaktar | redaktar fonto]Ilua filmo Jaws {"Mandibuli") unesmafoye videsis ye 20ma di junio 1975. La fonto esis la romano da Peter Benchley. En la rakonto, homi qui vakancas ye plajo esas terorigata da homo-manjanta sharko; la sharko chasesas da la lokala chefo di polico, profesionala chasanto di sharki, e marala biologiisto. John Williams kompozis la muziko, por qua il ganis Oskar-premio. Spielberg pose opinionis ke la muziko esis importanta por la granda suceso di la filmo. Ol esis la maxim profitoza filmo de omna filmi facita, til ke Star Wars aparis pos du yari.