Teresina
| Teresina | ||
| ||
| Kelk imaji pri Teresina. | ||
|
| |
| Standardo | Blazono | |
| Lando: |  Brazilia
| |
| Regiono: | Nord-estala | |
| Stato: | Piauí | |
Informo:
| ||
| Fondita ye: | 16ma di agosto 1852 | |
| Latitudo: | 5°05'12" S | |
| Longitudo: | 42°48'42" W | |
| Altitudo: | 72 m | |
| Surfaco: | 1167.25 km² | |
| Habitanti: | 868 075[1] (2020) | |
| Denseso di habitantaro: | 623,6 hab./km² | |
| Disto de Brasília: | 1789 km | |
| Horala zono: | UTC-3 | |
| Urbestro: | José Pessoa Leal (MDB, 2021 – 2024) | |
Mapo:
| ||
| ||
Oficala retosituo:
| ||
| www.teresina.pi.gov.br | ||
Teresina esas chef-urbo e maxim populoza urbo dil Braziliana stato Piauí. Segun statistiki por la yaro 2020, ol havis 868 075 habitanti[1]. Lua tota surfaco esas 1167,25 km². Kune altra 13 municipi de Piauí, pluse Timon, urbo en la vicina stato Maranhão, ol formacas metropolala regiono ube rezidis 1 222 940 personi en 2018.
Teresina jacas centre-weste del stato, apud fluvio Paranaíba e rivero Poti. Fluvio Parnaíba separas ol de Timon, che vicina stato Maranhão.
Fondita ye la 16ma di agosto 1852 por esar la chef-urbo di lora provinco Piauí, Teresina esis l'unesma projetita urbo di Brazilia. Nun ol esas importanta centro por komerco e servadi, nome pri medicino. Ol havas 8 hospitali qui anke recevas pacienti de altra stati. La Federala Universitato di Piauí (UFPI) e l'Universitato dil Stato Piauí (UESPI) jacas en la urbo, ed esas la du maxim importanta universitati dil stato.
Geografio
[redaktar | redaktar fonto]
La reliefo di Teresina esas plana, e la centro dil urbo jacas an geografiala depreso. La maxim kolinoza regioni esas la quartero Monte Castelo, sude del urbo, e quarteri Satélite e Vila Bandeirante, este. Lua mezavalora altitudo esas 72 metri e lua maxim alta punto jacas metri super la marala nivelo.
La klimato dil urbo esas tropikala mihumida (Aw segun la klimatala klasifikuro da Köppen) kun du sezoni klare identifikebla: la pluvoza, qua iras de somero ad autuno, e la sika, dum vintrala e printempala monati en suda misfero. La mezavalora temperaturi ne varias multe dum tota yaro, esanta cirkume 27,4°C.
La pluvoza sezono iras de decembro til mayo. La mezavalora yarala pluvo-quanto esas 1329,3 mm, e la maxim pluvoza monato esas marto, kun mezavalore 292 mm.
Referi
[redaktar | redaktar fonto]- ↑ 1,0 1,1 IBGE|Cidades| Teresina|Panorama - Publikigita da Instituto Brasileiro de Geografia e Estatística. URL vidita ye 15ma di mayo 2021.