Thomas Tallis

De Wikipedio
Thomas Tallis
Profesiono: kompozisto
Lando: Anglia
Naskodato: 30 di januaro 1505, 1504
Nasko-loko: Anglia
Mortodato: 23 di novembro 1585
Morto-loko: Greenwich, London

Thomas Tallis e lua plu yuna kolego William Byrd esis la maxim notinda kompozisti en Anglia dum la 16ma yarcento.

Dum la vivo di Tallis, la ekleziala muziko postulata esis ultempe Protestanta (dum la regni di Edward la 6ma ed Elizabeth la 1ma ed ultempe katolika (dum la regno di Mary la 1ma). Do lua stilo kelke variis segun la periodo; la linguo uzata esis kelkatempe en la Angla e kelkatempe en la Latina linguo.

La maxim famoza verko di Tallis probable esas Spem in Alium, por 40 separata voci. Esas interesiva notar ke ca verko esas ne tipala exemplo di Tallis, e ne tipala di Angla muziko ye ta tempo. Tallis audis korala verko, anke por 40 voci, da la Italiana kompozisto Alessandro Striggio. La Duko di Norfolk, qua anke sidis inter la audanti, defiis Angla kompozisto skribar ulo tante impresanta, do Tallis respondis per Spem in Alium. La 40 voci di ca verko esas en 8 grupi di 5 voci, e la diversa grupi inter-respondas, en dramatala maniero ne kustumala di Tallis. (La kompleta komencala frazo esas Spem in alium nunquam habui, praeter in te, Deus Israel: "Me nultempe konfidis mea espero ad irgu altra kam a tu, Deo di Israel".)