Troilus de Mesgouez
| Troilus de Mesgouez | ||
| ||
| Profesiono: | Vicerejo | |
| Lando: |  Francia
| |
| Naskodato: | 30 di junio 1536 | |
| Mortodato: | 1605 | |
Troilus de Mesgouez, markezo de la Roche de Mesgouez, (m. 1606) esis vicerejo di Francia de 1598 til 1606 en nord Amerika, en la nuna Kanada.
La Roche entraprezabis komercala voyaji a le Terre-Neuves (nuntempa Nov-Lando): nesucesoze en 1578, kande lua navo kaptesis da Angla navi, e sucesoze en 1583. Granda expediciono en 1584 abortis pro naufrajo di la precipua navo di la floto. Ye la 16ma di februaro 1597 rejo Henri la 4ma di Francia donis a Troilus de Mesgouez la autoritato por facar expediciono a nordal Amerika.
En la expediciono grantita en 1597, du navi voyajis vers Amerika en 1598. La Roche establisis depozeyo sur insulo quan il nomizis Isle de Bourbon (nuntempe Sable Island, 175 km sud-este de Nova Skotia). Pose il komercis ye la peskeyi di Nov-Lando. Tamen pro tempesto la navi mustis retroirar a Francia sen vizitar la nova depozeyo. Pro ne-reguloza provizado, la depozeyo sur la Isle de Bourbon abandonesis pos kelka yari.