UB40
UB40 (pron.: yubi-forti) esas Birminghamana (Unionita Rejio) rege-bando qua fondesis en 1978. La nomo venas de formularo quan devis plenigar chomeri en Britania, omna membri di la bando chomis ye l'epoko, por recevar pekunio de la stato. Dum la yari 80 di la 20ma yarcento la bando esis tre popular e havis mondo-vasta vendo-sucesi kun tituli Red, Red Wine, Sing Our Own Song e Kingston Town.
La texti di UB40 ofte esas politikala, pri rasismo, chomeso e Thatcher.
Disputo[redaktar | redaktar fonto]
La fratuli Ali e Robin Campbell havis disputi pri pekunio ed en 2008 Ali ekiris la bando. Il komencis sua propra bando e nomizis ol: UB40. Depos 2008 existas du UB40-i.