Unesma Wienana Skolo
La Unesma Wienana Skolo, anke en germana-parolanta landi referata kom la Wiener Klassik, referas en muziko-historio generale la kompozisti Wolfgang Amadeus Mozart, Joseph Haydn e Ludwig van Beethoven.
Kelkafoye anke Franz Schubert inkluzesas che la Unesma Wienana Skolo.
Tamen ica kompozisti ne kunlaboris, ed existis preske nula docala relato inter li; ma Beethoven dum kelka tempo recevis lecioni che Haydn.
La termino 'Wienana Skolo' unesme uzesis en la domeno di muziko en 1834 da la muzikologo Raphael Georg Kiesewetter. 'Unesma' esas plu tarda adjunturo por distingar ica klasika kompozisti de ti di la Duesma Wienana Skolo, qua konsistas ek la kompozisti Arnold Schönberg e lua studenti, nome Alban Berg ed Anton Webern.