Usana kampaniala financo-skandalo di 1996
.jpg)
Usana kampaniala financo-skandalo di 1996, savita anke kom Chinagate, referas ad esforci alegata da Popul-Republiko Chinia pro influar domestika politiki en Usa ante e dum Administrerio di Clinton, e la furnisado di kapitalo di l'administrerio ipsa.
Malgre ke questioni pri la kapital-furnisadi di Demokratiala Partiso di Usa venis unesme en oktobro 1996, l'alegata parto di Chinia en l'afero unesme ganis populal atenco pos artiklo da Bob Woodward e Brian Duffy de Washington Post qua dicis ke l'investigado dil Departmento pri Judicial Aferi di Usa deskovrabis evidentajo ke agenti de Chinia probis furnisar kontributi de exterlandana fonti a la Demokratiala Nacionala Komitato (DNC o Democratic National Congress en Angla) ante la prezidantal elektado di 1996 en Usa. La jurnalisti skribis ke informi montris ke l'Ambasaderio di Chinia en Washington, D.C. uzesis por kunlabori por kontrubuti a DNC kontre Usana legi qui interdiktis ne-Usana personi donar pekuniala kontributi ad Usana politikisti e politikala partisi. La guvernerio di Chinia negis l'alegaji.
Segun raporto di Usana Senato, ante 1995, Chinia uzis diplomaco por sua intereso en Usa. Li ulatempe renkontris kun administranti en la Blanka Domo. En ta renkontri li ofte uzis sua granda merkato por negociar kun la guvernerio di Usa.
Samatempe, Usana kompanii anke volis konvinkar la guvernerio pri sua relato kun Chinia. Dum la 1990a yari, jurnali raportis ke kelka kompanii di Usa volis konvinkar la guvernerio por plubonigo di legi pri komerco kun Chinia. Pro ke la ekonomio di Chinia kreesis nova laboro en Usa, li volis ke la guvernerio protektez la relato kun Chinia.
Eventuale dekesep personi kondamnesis pro fraudo o pro donir pekunio de Azia a la elekti di Usa. Kelka kondamni venis kontre amiki e politikala selektati di Bill Clinton ed Al Gore.
Extera ligili
[redaktar | redaktar fonto]- 1997 (U.S. Senate) Special Investigation in Connection with 1996 Federal Election Campaigns: Final Report (PDF) Lasta raporto pri la elektala kampanii di 1996