Venera 4

De Wikipedio
Irez ad: pilotado, serchez
Modelo di Venera 4

Venera 4 esis kosmosondilo di USSR, de la Venero-serio di sondili qui exploris la planeto Venuso. Ol esis la unesma sondilo qua sendis informeso pri la atmosfero di altra planeto. La sondilo esis desegnata por flotacado, kaze ke la surfaco esus aquo; tamen nula aquo esis trovata.

Ol lansesis ye 12 di junio 1967. Ye 18 di oktobro 1967 ol arivis ye Venuso. Dum ke ol proximeskis, la segmento por explorar la planeto separis su e falis tra la atmosfero, lentigata da parafalo. Dum 93 minuti ol transmisis informeso pri la atmosferala preso e temperaturo; transmisi cesis ye alteso 27 km, la alta preso aplastante la sondilo.

La informeso sugestis ke, ye la surfaco, temperaturo esas 500 gradi e preso esas 75-foyi di Terala preso. La kemiala kompozeso di la atmosfero di Venuso esis cirkume 90 procento de karbo-bi-oxo, kelka procento de nitro e min kam 1 procento de oxo.