Alfred Nobel

De Wikipedio
Irez ad: pilotado, serchez
Alfred Nobel
AlfredNobel adjusted.jpg
Profesiono: inventanto, kemiisto
Lando: Flag of Sweden.svg Suedia
Nasko-dio: 1 di oktobro 1833
Nasko-loko: Stockholm, Suedia
Morto-dio: 10 di decembro 1896
Morto-loko: San Remo, Italia

Alfred Bernhard Nobel (1833 til 1896) esis Sueda inventanto, kemiisto e filantropo qua suportis ideo di paco.

Nobel vivis lua yuneso en St. Peterburg, ube lua patro havis multa fabrikerii. Lua patro produktis landal e marala minili. Alfred havis kom tasko di lua vivo developar plu bona exploziva materiali ed il komencis lua experimenti en St Peterburg. La experimenti duktis ad uzo di nitrogliserino en Suedala min-exkavado.

Kande lua plu yuna fratulo perisis en explozo che fabrikeriala laboratorio, il decidis saveskar, kad esas posibla facar plu sekura explozanta materio. Kom rezulto di developala laboro naskis dinamito quo divenis sucesanta produkto en mondo. Alfred inventis i.a. merkurial incendiilo por explosivi en 1865, dinamito en 1867, nitrogelatino 1875, e senfuma pulvero en 1888.

Ye 1873 Nobel translojis aden Paris. Quankam il mustis, pro preso da administranti, nove translojar aden San Remo ye 1890.

Kande Nobel mortis, lua posedajo esis 31,5 mil. kroni Suedala. Ye 1895 Nobel testamentis lua posedajo a fonduro. La fonduro komencis donar Nobel-premii, pos heredala kontesto, erste 1901.