Italia

Repubblica Italiana Flago di Italia Blazono di Italia Chefurbo: Roma ·Lojanti: 2,459,776 (2001) Precipua urbo: Roma Oficala linguo: Italiana Guvernerio: Republiko ·Prezidisto: Giorgio Napolitano ·Chefa ministro: Mario Monti Surfaco: (71ma granda) ·Totala: 301,338 km² ·% aquo: 2,4 Lojanti: (23ma granda) ·Totala: 60,067,554 (2008) ·Lojanto-denseso: 199,3 loj./km² Nacionala himno: Il Canto degli Italiani Pekunio: Euro Reto-kodo: .it Precipua religio: Kristanismo (82%)

Italia esas lando qua jacas en sudo di Europa. Lua vicina landi esas:

• en nord-westo, Francia,
• en nordo, Suisia ed Austria,
• en nord-esto, Slovenia.

En esto, jacas Adriatika Maro. En sudo ed en westo, jacas Mediteraneo. Vatikano-urbo e San Marino esas nedependanta stati ed enklavi en italiana peninsulo.

Bazala fakti pri Italia

Historio

Homi ja habitis teritorio di nuna Italia dum Paleolitiko, cirkum 200,000 yari ante nun. Italiana tribui, kom Umbri, Latini, Volsci, Samniti, Kelti e Liguri havis Indo-Europana origino. De 17ma yarcento aK til 11ma yarcento aK, Greki mantenis kontakti kun Italia, e dum 8ma e 7ma yarcenti aK Greka kolonii esis establisita en litoro, origino di nomizita Magna Grekia.

Videz anke: Romana Imperio.

Dum granda parto di la historio pos fino di Romana imperio, Italia esis dividita inter multa rejii. Ye 1859 komencis proceso di riunigo en unika stato. Giuseppe Garibaldi komandis un grupo di soldati, qua divenis konocita kom i Mille (la mili), ke kombatis kontre la Rejio di du Sicilii, vinkis la milito ye 1860 e facis posibla l'unigo kun Rejio di Sardinia. Il anke helpis liberigar Lombardia de Austriana imperio. Finale, Italia divenis unionita stato ye 17 di marto 1861. Victorio Emmanuele 2ma esis l'unesma rejo di moderna Italia.

Dum unesma mondo-milito Italia kombatis kontre Austria-Hungaria e Germaniana Imperio ma recevis poka kompenso por kombatar kune vinkinti. Ye 1922 Benito Mussolini divenis chefa ministro di Italia ed instalis fashista rejimo. Ye 1929 il signatis kontrakto ke agnoskis la nedependeso di Vatikano.

Videz anke: Fashismo.

Italia divenis republiko ye 2 di junio 1946.

Politiko

Italia esas parlamentala republiko. La prezidisto esas elektita da parlamento da 7-yara foyo. La parlamento havas 2 chambri: Koncilaro (Camera dei Deputati) kun 630 membri, e Senato, kun 315 membri.

Geografio

Videz anke: Regioni di Italia.

Granda parto di Italiana teritorio jacas en Europana kontinento. Sua precipua insuli esas:

• Sicilia
• Sardinia
• Eolia-insuli

En bordo kun Suisia, Austria e parto di Francia jacas la monti di Alpi.

Ekonomio

Videz anke: Ekonomio di Italia.

Demografio

En fino di 2008 Italiana populo superigis 60 milioni lojanti. Ol havas la 4ma granda populo di Europana Uniono e la 23ma granda en tota mondo.

Segun statistiki de Fondazione Censis la 10 precipua metropolala regioni di Italia esas:

Rango	Metropolala regiono	Lojanti	Surfaco (km²)	Denseso (loj/km²)
1ma	Metropolala regiono di Milano	8,047,125	8.362,1	965,6
2ma	Metropolala regiono di Napoli-Salerno	4,996,084	3.841,7	1.300,5
3ma	Metropolala regiono di Roma	4,339,112	4.766,3	910,4
4ma	Venizia-Padova-Verona (mega regiono di Veneto)	3,267,420	6.679,6	489,2
5ma	Bari-Taranto-Lecce	2,603,831	6.127,7	424,9
6ma	Rimini-Pesaro-Ancona	2,359,068	5.404,8	436,5
7ma	Metropolala regiono di Torino	1,997,975	1.976,8	1.010,7
8ma	Granda Bologna-Piacenza	1,944,401	3.923,6	495,6
9ma	Florencia-Pisa-Siena	1,760,737	3.795,9	629.8
10ma	Messina-Catania-Siracusa	1,693,173	2.411,7	702,1

Cetera aferi

• Prezidenza della Repubblica - pagino di la prezidisto di la republiko
• Parlamento oficala pagino
• Guvernerio di Italia, oficala pagino.

Referi

	Membrostati dil Europana Uniono
Austria – Belgia – Bulgaria – Chekia – Chipro – Dania – Estonia – Finlando – Francia – Germania – Grekia – Hispania – Hungaria – Irlando – Italia – Latvia – Lituania – Luxemburgia – Malta – Nederlando – Polonia – Portugal – Rumania – Slovakia – Slovenia – Suedia – Unionita Rejio Kandidato-stati: Kroatia – Republiko Macedonia – Turkia Peticionanta stati: Albania - Islando - Montenegro - Serbia