Ligo di la Nacioni

De Wikipedio
(Ridirektita de Ligo di la nacioni)
Mapo di la mondo inter 1920 e 1944.

Ligo di Nacioni (Angle: League of Nations – LN; France: Société des nations – SDN) esis interstata, mondal organizuro kreita kom rezulto di la Konfero pri paco en Paris, 1919, qua deklaris la fino di l'unesma mondomilito. Un de lua precipua skopi esis impedar nova militi e solvar la konflikti inter la nacioni per arbitrajo. De la 28ma di septembro 1934 til la 23ma di februaro 1935 lu havis sua maxima nombro di membri: 58 nacioni.

La Ligo ne havis armeala forci por intervenar en la konflikti, e dependis de lore maxim povoza nacioni (Unionita Rejio, Francia, Usa) por exekutar lua decidi, por furnisar trupi por interveni, o por mantenar ekonomiala sancioni. Tamen, ta nacioni esis desvoluntanta pri facar to.

La Ligo havis kelka regionala sucesi ma la epoko esis tro trublita. Lu faliis komplete en la Hispaniana interna milito, en la milito di Italia kontre Etiopia, ed en preventar la komenco di la duesma mondomilito. Depos la duesma mondomilito Unionita Nacioni sucesabis.