Klimato

De Wikipedio
Irez ad: pilotado, serchez
Klasifiko di klimati dil mondo.

Klimato envolvas le statistiki di temperaturi, atmosferala preso, venti, pluvi ed altra meteorogiala elementi en un regiono partikulara dum longa periodi di tempo. On povas kontrastar la klimato kun vetero, qua esas la prezenta stando de la sama elementi dum kurta periodo, generale un o du semani.

"Klimato" havas origino en Grekiana vorto klima, qua signifikas "tendenco". Generale klimato esas definita kom la vetero averajita dum longa periodo di tempo[1], generale l'averajo dum 30 yari[2] ma altra periodi povas esar uzata, konforme ad intenco.

Dezerto di Atakama, exemplo di regiono kun arida klimato.
Wikipedio
Wikivortaro explikas
ca rubriko
en altra lingui: Klimato

La klimato di un regiono esas afektata da latitudo, altitudo, tereno, kovrilo da glacio o nivo e la proximeso o la distanco de granda fluvii, lagi, mari od oceani. Klimati povas esar klasifikata segun averajala o tipala serii di diferenta varianti; maxim generale uzata esas temperaturo e pluvo-quanto. La maxim komuna metodo por klasifiko di klimati esis originale kreita da Rusiana meteorologiisto Wladimir Köppen, en uzajo pos 1948.

Latitudo[redaktar | edit source]

Glacio-flotaco en l'Antarktik-oceano.

La latitudo determinas l'incidala angulo di sun-radii en la surfaco di Tero e la difero di durado inter jorno e nokto. Plu granda esas l'incido di sun-radii, plus kaloro recevas la tereno.

La varii en latitudo esas kauzata da l'inklineso de la rotac-axo di Tero. L'incidala angulo di sun-radii ne esas la sama dum somero ke dum vintro, e ta esas la kauzo di la diferi inter sezoni. Kande l'inklino di sun-radii esas granda, li varmigas poke l'atmosfero. Ica esas la kauzo di la kolda klimati en l'extrema nordo (Arktiko) e l'extrema sudo (Antarktika) dil planeto.

Referi[redaktar | edit source]

  1. Glossary of meteorology (glosario di meteorologio) - American Meteorological Society
  2. http://www.metoffice.gov.uk/climate/uk/averages