Sicilia

De Wikipedio
Sicilia
Chefurbo Palermo
Oficala linguo Italiana, Siciliana
Surfaco 25 833 km²
Habitanti
Denseso di habitantaro
5 055 925[1] (2016)
195,72 hab./km²
Guberniestro Renato Schifani (FI)
Horala zono UTC+1
(UTC+2 dum la somero)
TNP (yaro) 83 956 milioni € (2011)[2]
Reto pti.regione.sicilia.it

Sicilia esas la maxim granda insulo en Mediteraneo ed anke autonoma regiono di Italia, kune minora insuleti vicina.

Bazala fakti pri Sicilia.

Historio[redaktar | redaktar fonto]

Ye la 11ma di januaro 1693, severa tertremo eventis ye la esto dil insulo. Pos mikra tertremo ye 9ma di januaro, qua ipsa efektigis domajo, la precipua tremo duris quar minuti, qua efektigis grava domajo di urbi e vilaji en sud-esta Sicilia; cirkume 60 mil personi mortis. Esis "tsunami" ye la litoro dil Ioniana Maro, qua severe domajis litorala vilaji. Dum la sequanta yari esis multa rikonstruktado di urbi, pluraloke sur nova tracuri. Nova publika edifici e kirki havis notinda arkitekturala stilo, qua plu tarde nomizesis Siciliana baroka.

Geografio[redaktar | redaktar fonto]

Ekonomio[redaktar | redaktar fonto]

Kultivo di olivi en Sicilia.

Pro lua recenta kresko, l'ekonomio di Sicilia ja esas la 8ma maxim granda de Italia, segun totala interna produkturo. Diversa modernigi en l'agrokultivo posibligis augmentar la kapaceso pri konkurencar kun altra merkati. La precipua agrokultivala produkturi esas citrusi, olivo ed oliv-oleo, vitobero e vino (exemple vino Marsala), mandelo, tomato, pistacho, artichoko ed altra legumi, frumento ed altra cereali.

La maxim importanta industrii di la regiono esas nutrivala e drinkala, kemiala e petrokemiala, transformo di metali, texaro e vestaro, produktado di mashinaro ed equipuri industriala, ceramiko e porcelano, moblaro e mestiero.

La maxim importanta servadi esas l'arei di turismo, komerco e transporto. La richeso kulturala di la regiono atraktas multa viziteri. Tamen, regionala chomeso esas plu alta kam olta di la cetera Italia. Ca difero rezultas de la mala influo da mafio, qua duras esar aktiva en la regiono.

Referi[redaktar | redaktar fonto]

  1. Dato Istat al 30-11-2016 -
  2. Eurostat – Tables, Graphs and Maps Interface (TGM) table - Publikigita da Epp.eurostat.ec.europa.eu. Dato di publikigo: 11ma di marto 2011. URL vidita ye 2ma di junio 2011. 
Italiana flago Regioni di Italia Italiana flago
Abruzzo | Apulia | Basilikata | Emilia-Romagna | Friuli-Venezia Giulia | Kalabria | Kampania | Lazio | Liguria | Lombardia | Marche | Molise | Piemont | Sardinia | Sicilia | Toskania | Trentino-Supr Adijo/Suda Tirol | Umbria | Valo d'Aosta | Veneto