Turismo

Eiffel Turmo en Paris, la 18ma maxim vizitita loko di mondo.

Turismo esas voyajo facita precipue kun intenco di amuzar su, distraktar e laxigar. Mondala Organizeso pri Turismo definas turisti kom "personi qua voyajas e sejornas en loki exter lia ordinara cirkumaji, por periodo infre 1 yaro, kun intenco di amuzar su e facar nesalariita aktivesi."

Machu Picchu, un di maxim vizitita loki en Sud-Amerika.

Turismo divenis importanta libertempo ed anke ekonomiala aktiveso en mondo: en 2011, plu kam 983 milioni di personi voyajis kun intenco di turismo. To reprezentis un kresko di 4.6% kande komparita a 2010.

Turismo esas importanta ekonomikala aktiveso en multa landi, tala quala Egiptia e Tailando, ed en diversa insulala stati, tala quala Fidji e Tahiti (en Pacifiko), Santa Lucia e Bahama (en Karibeano), edc., pro la granda enflueyo di pekunio e la granda efektigo di ta labori en lia ekonomii.

Maxim vizitita landi

Fonto: Statistiki de Mondala Organizeso pri Turismo.

Rango	Lando	Kontinento	Arivado di internaciona turisti (2006)
1	Francia	Europa	79,1 millioni
2	Hispania	Europa	58,5 millioni
3	Usa	Nord-Amerika	51,1 millioni
4	PR Chinia	Azia	49,6 millioni
5	Italia	Europa	41,1 millioni
6	Unionita Rejio	Europa	30,1 millioni
7	Germania	Europa	23,6 millioni
8	Mexikia	Nord-Amerika	21,4 millioni
9	Austria	Europa	20,3 millioni
10	Rusia	Europa	20,1 millioni

Eko-turismo

Parko Nacionala Tapanti, en Kosta Rika.

Ekoturismo od ekologiala turismo esas divenanta pluse populara pos personi deskovras l'importo di prezervar naturo e dezirar vizitar prezervita regioni. Ol envolvas la vizito a regioni ube animali, plantaro e kulturala heredaji esas la precipua atraktesi. En landi kom Kosta Rika, Equador, Nepal ed altra, ekoturismo reprezentas importanta parto di kuntara landala produkto.

Referi

Reda placo, en Moskva, Rusia.