2010

Eventi

• 1 di januaro - Avalanchi kauzata da intensa pluvi livas 53 personi morti en Angra dos Reis, Brazilia, e destruktas historiala patrimonio en São Luís do Paraitinga.
• 12 di januaro - Ter-tremo kun forteso 7 en Richter-skalo okuras en Haiti. Cirkum 230 mil personi mortas, un di la maxim granda katastrofi di historio.
• 18 di januaro - Ter tremo kun forteso 5,5 en Richter-skalo en la provinco di San Juan, Arjentinia.
• 18 di februaro - En Nijer, prezidisto Tandja Mamadou esas renversita da stato-stroko.
• 27 di februaro - Violenta ter-tremo (forteso 8,8 che la Richter-skalo) e cunami* en Chili livas 497 morti.
• 5 til 7 di aprilo, Brazilia - Intensa pluvi provokas severa avalanchi en kolini ed inundesi en stradi en Rio de Janeiro, Niterói ed altra urbi en Rio de Janeiro stato, e livas plu kam 200 morti.
• 10 di aprilo - Lech Kaczyński, lore prezidisto di Polonia, mortas en acidento di aviono proxim Smolensk, Rusia.
• 14 di aprilo - L'erupto dil volkano Eyjafjallajökull en Islando liberigas imensa quanto di volkanala cendri en atmosfero til 9 km di altitudo. Kom rezulto, on disruptas la flugi en Europana aeroportui.
• 11 di junio til 11 di julio - En Sud-Afrika okuras la mondala Kupo di Futbalo. Hispania ganas la kupo.
• 29 di julio - Intensa pluvi di monsono kauzas severa inundado en India e livas plu kam 1.600 personi morti.
• 29 di agosto - Volkano Sinabung eruptas en Indonezia pos 400 yari di ne-aktiveso. Mili di personi esas evakuita, e nur 1 mortas.
• 23 di septembro - On komencas striki en Francia kontre la reformo en la sistemo di pensioni. Franca guverno propozis augmentar de 65 til 67 yari la normala evo por recevar pensioni. Striki kontinuas dum oktobro ed okuras precipue en Bordeaux, Lille, Lyon, Marseille, Paris e Toulouse.
• 29 di septembro - Generala striko en Hispania: 95.000 manifesteri okupas la stradi en Madrid e 75.000 en Barcelona.
• 3 di oktobro - En Brazilia okuras generala elekto por prezidisto, federala deputati, statala deputati, guverniestri di stati e senatani. José Serra e Dilma Rousseff disputos la duesma prezidantala baloto ye 31 di oktobro sam yaro.
• 10 di oktobro - Kuracao divenas nedependanta rejio interne la Nederlandana Antili.
• 13 di oktobro - En Chili 33 ministi esas retroduktita kun vivo de un mineyo di kupro en Copiapó, pos transvivar dum 69 dii sub 700 metri de la surfaco.
• 25 di oktobro - Ter-tremo e cunami* en Indonezia livas plu kam 400 morti.
• 31 di oktobro - Dilma Rousseff esas elektita prezidistino di Brazilia, l'unesma muliero ad okupar ta ofico en lando.
• 25 til 28 di novembro - La polico di Rio de Janeiro kun la helpo di militisti de armeo e mar-armeo retroprenas povra-quarteti en la regiono konocata kom Complexo do Alemão, en nordo dil urbo di Rio de Janeiro por kombatar komercisti di torpor-drugi. Kom rezulto, plu kam 10 tuni di hashisho e kokaino, e dozeni di fusili ed altra pafili esis konfiskita, e 31 kriministi esis enkarcerigita.
• 29 di novembro - Okuras la 16ma asemblo pri klimatala chanjo en Cancún, Mexikia. La konkordo propozis la kreado di un provizuro qua povas atingar 100 miliardi di dolari til 2020 por kombatar l'efekti di globala varmesko.
• 29 di novembro - L'Instituto por geografio e statistiko (IBGE en portugalana) anoncas la rezulto di Kontado 2010 en Brazilia: lando havas 190.732.694 lojanti.
• 2 di decembro - NASA anoncas la deskovro di bakterio qua povas vivar kun arseno vice ke fosfo.
• 2 di decembro - FIFA anoncas ke Rusia e Katar hostesos la Mondala Kupo di Futbalo ye 2018 ed ye 2022, rispektive.
• 6 di decembro - Komencas la sezono di inundadi en Nova Suda Wals e Queensland, Australia. Til januaro 2011 okuros miliardi di dolari en perdaji, plu kam 40 urbi e plu kam 200 mil personi esos severe afektita, 4 mil personi perdos lia domi, e l'exportacajo di Australiana karbono e la producajo di kotono esos severe afektata.
• 23 di decembro - Populala Republiko di Chinia ofras ekonomiala helpo ad Eurozono tra la debo-krizo.
• 23 di decembro - Adminime 20 personi esis enterigita da terkrulado en Santander, Kolumbia.
• decembro - Komencas la sezono di forta pluvi ed inundadi en Sud-estala regiono di Brazilia. En Espírito Santo 4 ed en Minas Gerais 15 personi mortas.

Morti

• 4 di januaro - Johan Ferrier, unesma prezidisto di Surinam (n. 1910)
• 13 di januaro - Teddy Pendergrass, Usana kantistulo (n. 1950)
• 15 di januaro - Marshall Warren Nirenberg, Usana biologiisto, Nobel-premiario (n. 1927)
• 23 di januaro - Iskandar di Johor, rejulo di Malaizia (n. 1932)
• 27 di januaro - J. D. Salinger, Usan autorulo (n. 1919)
• 1 di februaro - Steingrímur Hermannsson, chefa ministro di Islando (n. 1928)
• 7 di februaro - André Kolingba, prezidisto di Centrafrika (n. 1936)
• 4 di marto - Vladislav Ardzinba, prezidisto di Abkazia (n. 1945)
• 20 di marto - Girija Prasad Koirala, chefa ministro di Nepal (n. 1925)
• 22 di marto - James Whyte Black, Britaniana mediko e fiziologiisto, Nobel-premiario en fiziologio o medicino (n. 1924)
• 1 di aprilo - Tzanis Tzannetakis, chefa ministro di Grekia (n. 1927)
• 8 di aprilo - Malcolm McLaren, Britaniana muzikistulo ed entraprezisto (n. 1946)
• 8 di aprilo - Abel Muzorewa, chefa ministro di Zimbabwe-Rhodezia (n. 1925)
• 10 di aprilo - Lech Kaczyński, prezidisto di Polonia (n. 1949)
• 5 di mayo - Umaru Yar'Adua, prezidisto di Nigeria (n. 1951)
• 12 di mayo - Antonio Ozores, Hispanian aktorulo (n. 1928)
• 16 di mayo - Ronnie James Dio, Usana muzikistulo (n. 1942)
• 16 di mayo - Oswaldo López Arellano, prezidisto di Honduras (n. 1921)
• 29 di mayo - Dennis Hopper, Usan aktorulo e filmifisto (n. 1936)
• 18 di junio - José Saramago, Portugalan autorulo, Nobel-premiario (n. 1922)
• 23 di junio - Mohammed Mzali, chefa ministro di Tunizia (n. 1925)
• 26 di junio - Algirdas Brazauskas, prezidisto di Lituania (n. 1932)
• 20 di julio - Benedikt Sigurðsson Gröndal, chefa ministro di Islando (n. 1924)
• 25 di julio - Vasco de Almeida e Costa, militisto e chefa ministro di Portugal (n. 1932)
• 5 di agosto - Godfrey Binaisa, prezidisto di Uganda (n. 1920)
• 12 di agosto - Guido de Marco, prezidisto di Malta (n. 1931)
• 17 di agosto - Francesco Cossiga, prezidisto di Italia (n. 1928)
• 28 di agosto - Sinan Hasani, prezidisto di Yugoslavia (n. 1922)
• 24 di septembro - Gennady Yanayev, prezidisto di Soviet-Uniono (n. 1937)
• 29 di septembro - Georges Charpak, Poloniana injenioro e fizikistulo, Nobel-premiario (n. 1924)
• 9 di oktobro - Maurice Allais, Franca ekonomikistulo, Nobel-premiario (n. 1911)
• 10 di oktobro - Solomon Burke, Usana muzikistulo (n. 1940)
• 20 di oktobro - Farooq Leghari, prezidisto di Pakistan (n. 1940)
• 23 di oktobro - David Howard Thompson, chefa ministro di Barbados (n. 1961)
• 25 di oktobro - Gregory Isaacs, Jamaikana muzikistulo (n. 1951)
• 27 di oktobro - Néstor Kirchner, prezidisto di Arjentinia (n. 1950)
• 28 di oktobro - Jonathan Motzfeldt, chefa ministro di Grenlando (n. 1938)
• 3 di novembro - Viktor Chernomyrdin, chefa ministro di Rusia (n. 1931)
• 11 di novembro - Dino De Laurentiis, Italiana filmifisto (n. 1919)
• 28 di novembro - Leslie Nielsen, Kanadana komediisto (n. 1926)
• 2 di decembro - Lee Huan, chefa ministro di la Republiko di Chinia (n. 1917)
• 10 di decembro - John Bennett Fenn, Usana kemiisto, Nobel-premiario (n. 1917)
• 24 di decembro - Orestes Quércia, Braziliana politikistulo (n. 1938)
• 25 di decembro - Carlos Andrés Pérez, prezidisto di Venezuela (n. 1922)
• 26 di decembro - Teena Marie, Usana kantistino (n. 1956)
• 30 di decembro - Bobby Farrell, Arubana dansistulo, membro di ensemblo Boney M. (n. 1946)

Nobel premiarii

• Fiziko: Andre Geim e Konstantin Novoselov
• Kemio: Richard Fred Heck, Ei-ichi Negishi, Akira Suzuki
• Medicino e Fiziologio: Robert Geoffrey Edwards
• Literaturo: Mario Vargas Llosa
• Pacala laboro: Liu Xiaobo
• Ekonomiko: Peter Arthur Diamond, Dale Thomas Mortensen e Christopher Antoniou Pissarides