Espírito Santo

De Wikipedio
Irez ad: pilotado, serchez
Espírito Santo
Bandeira do Espírito Santo.svg Brasão do Espírito Santo.svg
Chef-urbo Vitória
Maxim granda urbo Serra
Brazil State EspiritoSanto.svg
Totala surfaco 46,095.6 km²
Habitanti
Denseso di habitantaro
3,885,049[1] (2014)
84.28 hab./km²
Guberniestro Paulo Hartung (PMDB)
Horala zono UTC-3
KLP (yaro) R$ 107.329.000.000,00 (2008)
Reto www.es.gov.br

Espírito Santo esas Braziliana stato de Sud-Estala Regiono. Lua vicina stati esas:

En esto jacas Oceano Atlantiko.

Bazala fakti pri Espírito Santo.

Historio[redaktar | edit source]

Botocudos indijeni.

L'unesma habitanti di nuna Espírito Santo esis mi-nomada indijeni nomizita Botocudos, de Tupi-raso. Kande Portugal dividis Brazilia en 14 capitanias (heredala teritorii por privata exploro), ol yurizis Vasco Coutinho por explorar la regiono. Ilu arivis en Espírito Santo en 23 di mayo 1535 kun 60 soldati. L'unesma urbo dil stato, Vila Velha, fondesis sam dio.

Depos vinkar lokala indijeni, ilu fondis nuna chef-urbo, Vitória, en 8 di septembro 1551. La nomo Vitória ("vinko") esis homajo a la vinko dil indijeni en la regiono.

Espírito Santo jacis sub influo di Coutinho-familio dum 140 yari. En 1821 ol divenis separita provinco.

Dum la 19ma yarcento, kafeo divenis lua precipua ekonomikala produkto. Espírito Santo divenis stato depos 1889, kun la republiko en Brazilia. Afonso Cláudio de Freitas Rosa esis lua unesma guberniestro.

Geografio[redaktar | edit source]

Montala regiono di Vale do Canaã, en la centro dil stato.
Pico da Bandeira, la maxim alta monto dil stato, en la Naciona Parko di Caparaó.
Relevo

Espírito Santo havas 2 precipua regioni: proxim la litoro jacas basa tereni kun altitudi infre 200 metri. Marfore, cirkum la bordero kun Minas Gerais jacas monti qua formacas la regiono konocita kom serra. La maxim alta monto dil stato esas Pico da Bandeira, kun 2,890 metri super marala nivelo.

Klimato

La klimato en litoro esas tropikala, kun intensa pluvi en somero, qui povas superigar 1,250 mm omnayare. La mezvalora temperaturi superigas 22ºC omnayari. En montoza regioni, la klimato sufras l'influo dil altitudo, e lua averajala temperaturi esas plu basa - dum la maxim kolda monato la mezvalora temperaturi esas infre 18ºC.

Existas 17 rezervi, inkluzite 2 nacionala parki e tri nacionala foresti en la stato. En lua litoro, ekologiala projeto TAMAR prezervas 7 plaji ube marala tortugi depozas ovi.

L'insuli di Trindade e Martin Vaz (qua jacas en Oceano Atlantiko, 715 km de Vitória) esas parto di statala teritorio.

Ekonomio[redaktar | edit source]

La portuo di Tubarão, la precipua dil stato, en Vitória.

Dum l'unesma 300 yari di lua historio, la precipua ekonomial agado esas kultivo di sukrokano til 1850, kande kafeo, en alta demando en Europa, divenis la precipua agrokultivala produkto.

Nune servadi esas la precipua ekonomial agadi - ol reprezentas 50% de KLP. Industrio reprezentas cirkum 44% e l'agrokultivo reprezentas cirkum 5%. La precipua exportacaji dil stato en 2002 esis fero e stalo (35.8%), mineralo di fero (25.2%), papero (17.6%), kafeo (7.7%) e granito (6.5%).

La portuo di Tubarão esas la precipua dil stato ed un di la precipua portui di Brazilia.

Demografio[redaktar | edit source]

Dum la 19ma yarcento Espírito Santo recevis enmigranti de Germania, Italia, Tirol, Hispania e cigani. Pose arivis Arabi de Otoman imperio, fuginta de l'unesma mondomilito. Li mixuris kun lokala habitantaro, kompozita da mixuro di indijeni (Botocudos, Tupiniquim, Aymoré, Puri) kun Afrikani e Portugalani. Segun demografiala statistiko de 2012 3,637,000 di qui 1,835,000 esis mestici (50.45%), 1,448,000 esis blanki (39.81%), 336,000 nigri (9.25%), 7,000 Aziani (0.19%), e 11,000 indijeni (0.30%).[2]

La maxim grand urbi esas Serra, Vila Velha, Cariacica, Vitória, Cachoeiro de Itapemirim e Linhares.

Segun demografiala kontado en 2010 53.4% de lua habitanti esas katoliki, 33.1% esis evangeliani, 9.61% sen religio, e 0.72% esis spiritisti.

Referi[redaktar | edit source]

  1. (28 di agosto 2014) ESTIMATIVAS DA POPULAÇÃO RESIDENTE NO BRASIL E UNIDADES DA FEDERAÇÃO COM DATA DE REFERÊNCIA EM 1º DE JULHO DE 2014 (in Portugalana). Instituto Brasileiro de Geografia e Estatística. URL vidita ye 28 di agosto 2014.
  2. , Tabela 262 - População residente, por cor ou raça, situação e sexo (vide Nota de Rodapé) (2012),Espírito Santo, Brazil: IBGE. 85-240-3919-1