Bahia

De Wikipedio
Irez ad: pilotado, serchez
Bahia
Bandeira da Bahia.svg Brasão da Bahia.png
Chef-urbo
lojanti (yaro)
Salvador
2 673 560 (2005)
Altra urbi Feira de Santana, Vitória da Conquista, Itabuna, Ilhéus
Brazil State Bahia.svg
Guverniestro Jacques Wagner
Surfaco 564 273 km²
Lojanti
Lojanto-denseso
13 815 334 (2005)
23,03/km2
Oficala pagino http://www.bahia.ba.gov.br

Bahia esas la maxim vasta stato di Nord-Estala regiono di Brazilia. Lua vicina stati esas:

Bazala fakti pri Bahia.

Historio[redaktar | edit source]

Salvador, nuna chef-urbo di stato, esis unesma chef-urbo di Brazilia, ye 1549. Ol esis fondita da Tomé de Sousa, e divenis chef-urbo di Brazilia til 1763, kande la Markezo di Pombal transferis la chef-urbo a Rio de Janeiro.

Dum 17ma yarcento Nederlandani atakis Bahia, e dominacis Salvador de 1624 til 1625.

Kande Brazilia divenis nedependenta, ye 7 di septembro 1822, Bahia restis okupita da Portugalani soldati, ke nur esis submisita ye 2 di julio 1823.

Geografio[redaktar | edit source]

La totala surfaco di Bahia esas aproxime equivalanta Francia. Ol havas la maxim granda litoro di Braziliana stati: 1183 km. En centro e nordo di stato on havas mi-arida klimato, kun poka pluvi. En litoro, esto di stato, on havas tropikala klimato, e pluvi povas atingar 2,000 mm en Ilhéus. En extrem-westo di stato on havas savano, parto di Braziliana cerrado.

Ekonomio[redaktar | edit source]

La precipua ekonomikala aktivesi di stato esas l'agrokultivo (sukrokano, manioko, fazeolo, maizo e kokoso. La soyo anke divenis importanta en westo di stato), l'industrio (kemiala, petrokemiala, mashinifo, automobilo) e la minado (precipue: oro, kupro, magnezo, ed anke petrolo).

Turismo[redaktar | edit source]
Plajo en Porto Seguro.

Turismo esas importanta aktiveso en Salvador ed en altra litorala urbi, kom Porto Seguro, Ilhéus ed Una, e suda litoro. En nordo, la regiono di Costa do Sauípe divenis importanta turistala centro.

Demografio[redaktar | edit source]

Granda parto di lua populo - 63,4% - esas mestici di blanki kun nigri, 20,3% esas blanki, 15,7% nigri e 0,6% indijeni o decendanti de est-Aziani[1]. Precipua indijena grupi esas Pataxó, Tupinambá, Pataxó-hã-hã-hãe e Kiriri.

Kulturo[redaktar | edit source]

Trio elétrico, ex-libris di karnavalo en Bahia.

Bahia havas partikulara kulturo, diferanta de altra regioni di Brazilia. Lua karnavalo en l'urbo di Salvador esas plu konocata por prezenteso di bandi o kantisti en granda kamioni kun enorma fono-boxi, nomizita trios elétricos, qua anke funcionas kom mobila platformi por muzikala spektakli. Personi dansas dum hori proxim singla trio elétrico, qua pleas lauta muziki di diversa ritmi, kom axé music, lambada, samba, populala Braziliana muziko (MPB), ed altra. Importanta nomi di Braziliana muziko naskis o vivis en Bahia, kom Dorival Caymmi, Gilberto Gil, Caetano Veloso, Gal Costa, Maria Bethânia, Daniela Mercury, Tom Zé, Novos Baianos, Raul Seixas, Marcelo Nova, João Gilberto, Carlinhos Brown, Ivete Sangalo, Luiz Caldas, Margareth Menezes, ed altra.

Importanta nomi di Braziliana literaturo naskis o vivis en Bahia, kom Castro Alves, Ruy Barbosa, Adonias Filho, Jorge Amado e João Ubaldo Ribeiro.

Referi[redaktar | edit source]

  1. http://www.ibge.gov.br/home/estatistica/populacao/condicaodevida/indicadoresminimos/sinteseindicsociais2007/indic_sociais2007.pdf