Tropikala klimato
De Wikipedio
██ Tropikala klimato.
Tropikala klimato esas klimato tipa de tropikala regioni. Segun klasifiko kreita da Wladimir Peter Köppen ol esas ne-arida klimato ube l'averajal yarala temperaturi superigas 18ºC, generale superigas 22ºC. La temperaturo en tropikala regioni varias poke dum la yaro.
En ta klimato, pluvi ne superigas 2,000 mm omna yari, e generale existas nur du sezoni: un sika ed un pluvoza. La relativa humideso di aero esas alta, generale superigas 80% e jacas proxim 100%. En ta atmosfero sudorifo esas nefacila e nerapida.
On existas du tipi di tropikala klimati:
- tropikala klimato di musono (Am), komuna en Azia e Sud-Amerika, e rezultas de monsona venti, qua chanjas lua direcioni konforme ad sezoni. Ol esas, exemple, la klimato di Chittangong, en Bangladesh, o Conakry, en Guinea.
- tropikala klimato di savano (Aw): ta klimato havas intense sika sezono, qua povas lastar 6 monati. Ol esas, exemple, la klimato di Cuiabá, en Mato Grosso, Brazilia, o Lagos, en Nijeria.
