Mato Grosso do Sul
|
|||
| Chef-urbo lojanti (yaro) |
Campo Grande 749 768 (2005) |
||
| Altra urbi | Dourados, Corumbá | ||
 |
|||
| Guverniestro | André Puccinelli | ||
| Surfaco | 357 124,9 km² | ||
| Lojanti Lojanto-denseso |
2,449,341 (kontado 2010[1]) 6,86 ab/km² |
||
| Oficala pagino | www.ms.gov.br | ||
Mato Grosso do Sul esas Braziliana stato, qua jacas en Centr-Westala Regiono. Lua vicina stati esas:
- en nordo, Mato Grosso,
- Goiás en nord-esto,
- Minas Gerais e São Paulo en esto,
- Paraná en sud-westo.
En sudo ed en sud-westo jacas Paraguay, ed en westo jacas Bolivia.
Bazala fakti pri Mato Grosso do Sul.
Indexo |
Historio [redaktar]
Unesma habitanti dil stato esis indijeni. Ye 1524 Portugalana Aleixo Garcia, qua verkis por Hispania krucumis la regiono til Paraguay fluvio proxim nuna Corumbá. Ye 1537 e 1538 Juan Ayolas e Domingo Martínez de Irala anke atingis Corumbá. Ye 1579 Hispaniani fondis urbeto di Xerez, destruktita da Guaykuru indijeni.
Hispaniana jezuiti instalis misioni en la regiono, ma dum 1630a e 1640a yari bandeirantes (Portugalana e Braziliana exploreri) atakis ol por kaptar indijeni por uzar kom sklavi Ye 1648 Antônio Raposo Tavares komandis finala atako. Plu kam un yarcento pose la kapitenio di Mato Grosso - formita da teritorii di nuna Mato Grosso do Sul, Mato Grosso e Rondônia - esis separita de la kapitenio de Sao Paulo. Madrid-kontrakto (1750) e San Ildefonso kontrakto (1778) determinis Portugalana Portugalana dominio en la regiono. Ye 28 di februaro 1821 la kapitenio di Mato Grosso divenis provinco.
Dum Triopla Alianco milito la sudo di la provinco di Mato Grosso, nune Mato Grosso do Sul, sufris atako de Paraguayani, ed okuris violenta batalii en Coxim e Laguna (nuna urbo di Bela Vista). Kande milito finis, ye 1 di marto 1870 multa urbeti jacis destruktita e kun poka populo. Graduale komencis riokupeso di la regiono, kun expando di edukado di bovi e kultivo di mateo.
Kun la republiko ye 1889 Mato Grosso divenis stato. Dum unesma yardeki de 20ma yarcento la konstrukturo di fervoyo unionis sudo di Mato Grosso kun Sao Paulo. Graduale l'ideo pri dividar la stato en du kreskis. Finale, Mato Grosso do Sul esis separita de Mato Grosso ye 11 di oktobro 1977.
Geografio [redaktar]
Pantanal regiono kovras westo dil stato, ma granda parto di lua teritorio esas kovrata da cerrado, Braziliana savano. Lua klimato havas du sezoni: sika dum vintro e pluvoza dum somero.
Ekonomio [redaktar]
La precipua ekonomikala aktivi esas agrokultivo (precipue soyo, maizo, kotono, rizo e sukrokano) e edukado di bovi. La granda biodiverseso dil stato stimulas ekologiala turismo en regioni kom Pantanal, Bonito, Jardim e Bodoquena.
Referi [redaktar]
- ↑ Censo Demográfico 2010, IBGE
