Minas Gerais
|
|||
| Chefurbo lojanti (yaro) |
Belo Horizonte 2 375 444 (kontado 2010)[1] |
||
| Altra granda urbi | Contagem, Uberlândia | ||
 |
|||
| Guverniestro | Antônio Anastasia | ||
| Surfaco | 586 528,3 km² | ||
| Lojanti Lojanto-denseso |
19,595,309 (kontado 2010)[2] 33,41/km² |
||
| Oficala pagino | http://www.mg.gov.br | ||
Minas Gerais esas Braziliana stato qua ne havas marbordo. Lua vicina stati esas:
- en nordo, Bahia,
- en esto, Espírito Santo,
- en sud-esto, Rio de Janeiro,
- en sudo ed en sud-westo, Sao Paulo,
- en westo, jacas Mato Grosso do Sul, Goiás e la Federala Distrikto, Brasilia.
Bazala fakti pri Minas Gerais.
Indexo |
Historio [redaktar]
L'exploro di regiono komencis dum 16ma yarcento. Ye 1693 oro esis deskovrita en montala regiono di Sabarabuçu, cirkum Carmo e Tripuí fluvii. Ye 1696 esis fondita la vilajo di Nossa Senhora do Ribeirão do Carmo qua divenis, ye 1711 la nuna urbo di Mariana.
Dum l'unesma duimo di 18ma yarcento, Minas Gerais divenis la maxim importanta ekonomikala regiono di Brazilia. Ye 1720 ol esis administrale separita de São Paulo. Afrikana sklavi esis trovita por laborar en mineyi.
Ye 1750 producajo di oro komencis diminutar. L'augmento di imposti provokis projekto di revolto konocata kom Inconfidência Mineira, qua ne esis sucesoza. Un di lia partoprenanti, Joaquim José da Silva Xavier, konocita kom Tiradentes, esis exekutita da jibeto ye 21 di aprilo 1792. Anke kom rezulto di dekado di minado, kelka loki perdis populo, dum ke komencis populizo di altra regioni: nordo di Minas Gerais, Zona da Mata en esto e sudo, e Triângulo Mineiro en westo.
Kun Braziliana nedependeso ye 1822 la regiono divenis provinco dil imperio. Kun la republiko, ol divenis stato. Lua nuna chef-urbo, Belo Horizonte, esis inaugurita ye 12 di decembro 1897. Til 1929 kafeo esis la precipua produkto dil stato.
Geografio [redaktar]
La totala surfaco di Minas Gerais esas simila ad Francia: 586 528,3 km². Ol esas 4ma plu granda Braziliana stato en totala areo. Lua totala lojanti (ye 2005) reprezentas 10,5% di totala Braziliana lojanti (Minas Gerais esas la 2ma granda stato di Brazilia totalo di lojanti).
En Minas Gerais naskas São Francisco fluvio, la maxim extensa fluvio tote en Braziliana teritorio. Ol esas 3,150 km longa, naskas en montala regiono di Serra do Cipó e krucumas Minas Gerais de sudo til nordo. La maxim alta monto dil stato esas Pico da Bandeira, kun 2.891,89 metri di altitudo.
La tri precipua biomi dil stato esas "cerrado" (savano) en westo e centro, "caatinga" (vejetantaro di mi-arida regioni) en nordo e "mata atlântica" (humida tropikala foresto) en esto e parto dil sudo, en la regiono konocata kom Zona da Mata. La regioni di "mata atlântica" e "cerrado" subisis multa modifiko pro l'adopto di diversa kultivi: soyo, kafeo, frukti.
Ekonomio [redaktar]
Minas Gerais havas granda producajo di lakto e karno di boviari, kafeo, soyo, sukrokano ed altra agrokultivala produkti, ed anke minerali (specale fero). Soyo ed edukado di boviari esas koncentrata en westo dil stato, en la regiono konocata kom Triângulo Mineiro.
Malgre minado di oro ne havas nune sama importo kom en koloniala periodo, extraktado di minerali kontinuas esar importanta. Minas Gerais esas granda produktero di minerali di fero. Parto di la producajo esas transportata por exportacajo da fervoyo Vitória-Minas til la portuo di Tubarão (Espírito Santo), e parto esas transformata en stalo en l'urbi di Ipatinga e João Monlevade, en la regiono konocata kom Vale do Aço ("valo di stalo").
Stato havas importanta industrii (stalo, elektronikala equipadi, alimenti, drinkaji, stofi). En Minas Gerais jacas Braziliana filialo di Fiat, Italiana fabrikanto di automobili. Altra importanta aktiveso esas la producajo di programi por ordinatri.
Belo Horizonte esas la precipua financala centro dil stato. Altra urbi importanta por lua regionala komerco e servadi esas Uberaba ed Uberlândia en Triângulo Mineiro (westo dil stato), Juiz de Fora e Governador Valadares en esto, Pouso Alegre e Varginha en sudo, e Montes Claros en nordo.
Turismo [redaktar]
Turismo esas altra importanta ekonomikala aktiveso en Minas Gerais. Lua precipua turistala loki esas:
- Historiala urbi: Ouro Preto, Sabará, Mariana, Tiradentes, Diamantina e Congonhas do Campo, kun lua kirki, domi ed altra edifici de koloniala periodo
- Balno-loki e fonteni di minerala aquo: Araxá, Poços de Caldas, Lambari, Caxambu, São Lourenço
- Loki por ekologiala turismo: Naciona Parko di Caparaó, Naciona Parko di Serra do Cipó, Estrada Real ("Rejala Voyo"), ed altra.
Referi [redaktar]
- ↑ Censo Populacional 2010 IBGE (en Portugalana
- ↑ http://www.censo2010.ibge.gov.br/dados_divulgados/index.php
