Rio de Janeiro (stato)
|
|||
| Chefurbo lojanti (yaro) |
Rio de Janeiro 6 094 183 (2005) |
||
| Altra urbi | Nova Iguaçu, Niterói, Duque de Caxias, São Gonçalo | ||
 |
|||
| Guverniestro | Sérgio Cabral Filho | ||
| Surfaco | 43 696 km2 | ||
| Lojanti | 15 383 407 (2005) | ||
| Lojanto-denseso | 329,37/km2 | ||
| Oficala pagino | http://www.governo.rj.gov.br | ||
Rio de Janeiro esas Braziliana stato. Lua vicina stati esas:
- en nordo, Espírito Santo,
- en westo, Minas Gerais,
- en sud-westo, Sao Paulo.
En esto ed en sudo jacas Oceano Atlantiko. Lua chef-urbo anke havas la nomo Rio de Janeiro, ed esas notora turistala urbo en mondo. Ultre la chef-urbo, la stato anke havas ultre 91 urbi.
Bazala fakti pri Rio de Janeiro.
Indexo |
Historio [redaktar]
De 1555 til 1567, la regiono di nuna stato di Rio de Janeiro divenis sub atako di Franciani, qua intencis instalar kolonio en Brazilia nomita France Antarctique. Por defensar ol kontra Franciani, ye 1 di marto 1565, Estácio de Sá fondis l'urbo di Rio de Janeiro.
Dum 17ma yarcento, edukado di bovari e kultivo di sukro-kano mantenis l'ekonomio di regiono. Dum 18ma yarcento, l'exportaco di oro impulsis ol, ed, ye 1763, la chef-urbo di kolonio esis transferita de Salvador vers l'urbo di Rio de Janeiro.
De 1763 til 1808, Rio de Janeiro anke esis sideyo di Vice-Rejio di Brazilia. Kun l'arivo di Portugalana Rejala Familio ye 1808, l'urbo recevis multa benefici, kom hospitali, publikala agenterii, l'unesma Braziliana banko - Banco do Brasil - e l'unesma Braziliana jurnalo, Gazeta do Rio de Janeiro.
Por administrar Brazilia sen konfliktar kun administracajo di Rio de Janeiro provinco, ye 1834 esis kreita la Neutrala Municipo di Rio de Janeiro, formita nur da urbo di Rio de Janeiro. La chef-urbo di Rio de Janeiro provinco esis transferita vers Vila Real da Praia Grande, nune Niterói. Kun la republiko, la provinco di Rio de Janeiro divenis stato di Rio de Janeiro.
Braziliana chef-urbo esis transferita vers Brasília ye 21 di aprilo 1960, e l'urbo di Rio de Janeiro divenis la stato di Guanabara. Finale, ye 15 di marto 1975, Guanabara e Rio de Janeiro esis kunfuzita, Guanabara desaparis kom stato, e l'urbo di Rio divenis chef-urbo di nuna Rio de Janeiro stato.
Geografio [redaktar]
La stato havas 2 precipua regioni: Baixada Fluminense, kompozita di basa teri (infre 200 m), e la montala regiono, qua jacas supre 200 m. La maxim konocita esas la regiono di Serra dos Órgãos, qua jacas supre 700 m.
La klimato esas tropikalo en litoro, ed montala-tropikalo en montala regioni, kun moderala temperaturi en sumero ed kolda en vintro).
Ekonomio [redaktar]
La precipua industrii di stato esas: metalifo, stofi, robi, mashinifado, e konstruktajo di navi. Industrio esas importanta ekonomikal-aktivo en urbi proxim la chef-urbo (en la regiono konocita kom Baixada Fluminense: Duque de Caxias, Nova Iguaçu, Queimados, ed altra) ed en Vale do Paraíba regiono (Volta Redonda, Resende, Porto Real). En Volta Redonda, urbo en Vale do Paraíba regiono, jacas l'unesma ed un di maxim importanta forjerii di stalo en Brazilia: Companhia Siderúrgica Nacional, fondita ye 1943. En Resende jacas la fabrikerio di kamioni di Volkswagen, ed en Porto Real jacas la Braziliana fabrikerio di Peugeot-Citroën automobili.
Turismo esas altra importanta ekonomikal aktivo: en la chef-urbo, en montala urbi (Teresópolis, Petrópolis, Nova Friburgo, Itatiaia), ed en litorala urbi: Parati, Angra dos Reis, Rio de Janeiro, Cabo Frio, Búzios).
Komerco e servado anke esas importanta, en la chef-urbo ed en altra granda urbi. Fine, l' agrokultivo (specale: sukrokano) esas importanta en l'urbi di Campos dos Goitacases, Natividade, ed altra.
