Aeroportuo

De Wikipedio
Irez ad: pilotado, serchez
Avioni en un termino l'aeroportuo di Singapur.

Aeroportuo od aerodromo esas loko ube avioni, helikopteri od aeronavi deprenas e/o tervenas. Un aeroportuo havas adminime un forkuranto por aeroplani deprenar o tervenar, e generale inkluzas edifici kom turmi por kontrolo di aerala trafiko, hangari e terminali por embarko e/o disembarko di voyajanti. Un militala aeroportuo esas anke konocata kom aerala bazo.

La vorto aerodromo esas plu generale uzata por simpla aeroportui, sen multa substrukturo por voyajanti. Tota aeroportui esas aerodromi, ma ne tota aerodromi esas aeroportui. Generale, por esar konsiderata un aeroportuo e recevar frequenta komercala flugi, un aerodromo mustas plenigar obligi e normi pri sekureso kontrolata da lokala od internaciona autoritati.

Un aeroportuo povas recevar kargajo, voyajeri, od amba. Generale ol esas konektata ad un vicina urbo od urbi da voyi, fervoyi od urbala fervoyi. La maxim granda aeroportui povas recevar mili di personi singladii. Segun reporto de CIA, en 2009 existis cirkum 44,000 aeroportui od aerodromi "videbla de l'aero" en tota mondo, di qui 15,095 en Usa.

Substrukturo[redaktar | edit source]

L'aeroportuo di Frankfurt.

Mikra aeroportui - la majoritato di l'aeroportui en la mondo - generale havas singla forkuranto kun 1,000 metri (cirkum 3,300 futi) o min. La forkuranti en larj aeroportui generale havas 2,000 metri (6,600 futi) o plusa.

Precipua aeroportui (en nombro di voyajanti - 2012[1])[redaktar | edit source]

Nomo Urbo Lando Voyajanti
Hartsfield–Jackson Internaciona Aeroportuo Atlanta, Georgia Flag of the United States.svg Usa 80,275,856
Beijing Capital Aeroportuo Chaoyang, Beijing Flag of the People's Republic of China.svg PR Chinia 68,846,257
Heathrow Aeroportuo London Flag of the United Kingdom.svg Unionita Rejio 59,024,547
O'Hare Aeroportuo Chicago, Illinois Flag of the United States.svg Usa 56,912,506
Tokyo Internaciona Aeroportuo Ōta, Tokyo Flag of Japan.svg Japonia 56,099,457
Los Angeles Internaciona Aeroportuo Los Angeles, Kalifornia Flag of the United States.svg Usa 53,468,686
Charles de Gaulle Paris Paris Flag of France.svg Francia 52,398,920

Notenda aeroportui[redaktar | edit source]

La Charles de Gaulle-aeroportuo apertesis ye 8 di marto 1974. La konstruktado di la aerportuo, 25 km nord-este de Paris, komencis en 1966. Termino 1, qua existis de la aperto, havas ronda edifico di dek etaji, kun sep satelitala strukturi konektata a la centrala strukturo per sub-tera pedovoyi; la arkitekto esis Paul Andreu. Nuntempe esas tri termini. Ol esas la maxim granda aeroportuo en Francia. En 2012 ol esis la sepesma aeroportuo en la mondo, egarde nombri di voyajanti e aeroplano-trafiko.

La John F. Kennedy-aeroportuo, qua ante havis la nomo Idlewild aeroportuo ed esis konocita kom "New York Internaciona Aeroportuo" inauguresis en 1943. Ol konstruktesis por helpar La Guardia aeroportuo, inaugurita en 1939 ma lore ja pleno. Nune plu kam 70 aerolinei operacas ibe. Ol havas 6 terminali e 151 pordi. Du anciena terminali (la 6ma e la 3ma) esis demolisita.

Referi[redaktar | edit source]

  1. Year to Year Passenger Traffic.