Japonia

De Wikipedio
Irez ad: pilotado, serchez
日本国
Nippon-koku o Nihon-koku
Flag of Japan.svg Imperial Seal of Japan.svg
Flago di Japonia Blazono di Japonia
Mapo di Japonia
Chefurbo: Tokyo
·Habitanti: 12 570 000 lojanti (2006)
Precipua urbo: Tokyo
Oficala linguo: Japoniana
Guvernerio: Monarkio
·Imperiestro: Akihito
·Chefministro: Yoshihiko Noda
Surfaco: (61ma granda)
·Totala: 377,873 km²
·% aquo: 0,8
Habitanti: (10ma granda)
·Totala: 127,590,000 (2009)
·Lojanto-denseso: 337,6 hab./km²
Nacionala himno: Kimi Ga Yo
Pekunio: Yen
Reto-kodo: .jp
Precipua religio: Budismo (55,2%)

Japonia esas insulo-stato en est Azia che Pacifiko.

Historio[redaktar | edit source]

Exquisite-kfind.png Videz anke: Historio di Japonia.

Dum la 16ma yarcento, Portugalana komercisti arivis en lando. En 1549 misionisto Santa Francisco Xavier arivis en Japonia ed introduktis kristanismo en Kagoshima. En 1612 Tokugawa Ieyasu interdiktis kristanismo.

En 1707 Monto Fujiyama eruptis. En 1854 Usana oficiro Matthew Perry forcis Japonia a signar Kanagawa kontrato, qua permisis komerco kun Ocidento.

Kun Meiji-ero (1868) Japonia rapide developis lua industrio. En 1904 komencis Rusia-Japonia milito, qua lastis til 1905 kun Japoniana vinko, e l'okupeso di Taiwan e Korea. Meiji-ero finis en 1912 kun la morto dil imperiestro.

Japonia militis kontre Germania dum l'Unesma mondomilito, por expansar lua influo e teritoriala ganaji. En 1931 ol okupis Mandjuria. Kun l'internaciona kondamno a l'invado, Japonia abandonis Ligo di la nacioni du yari pose. En 1936 lando firmis antikomunista pakto kun Germania ed, en 7 di decembro 1941 ol atakis Pearl Harbour, Usana bazo en Havayi. Kom rezulto, Usa eniris en Duesma mondomilito kontre Japonia, Italia e Germania. Pos sufrar du ataki kum atom-bombi, Japonia kapitulacis senkondicione, en 15 di agosto 1945. Granda parto di lua infrastrukturo destruktesis dum la milito.

En 1947 Japonia adopitis pacifista konstituco, kun emfazo en demokratiala liberesi. En 1956 lando divenis membro dil Unionita Nacioni.

Politiko[redaktar | edit source]

[[Arkivo:Akihito_090710-1600a.jpg|thumb|160px|Imperiestro Akihito. Segun la konstituco qui aprobesis en 3 di mayo 1947 Japonia esas parlamentala monarkio. Lua imperiestro havas poka povo, nur ceremoniala. Depos 7 di januaro 1989 esas Akihito.

La parlamento havas du chambri. La basa chambro esas la Domo di Reprezentanti, qua havas 480 membri qui elektesas dal populo omna 4 yari o kande la chambro dissolvesas. La supra chambro esas la Konsilantaro (equivalanta a Senato), qua havas 242 membri qui elektesas dal populo por 6 yari.

Geografio[redaktar | edit source]

Japonia esas arkipelago kun 6.852 insuli.[1] La maxim granda esas Honshu, Hokkaido, Kyushu e Shikoku, le 4 reprezentas 97% di Japoniana surfaco. Du triimi de surfaco esas formata da montari, kun multa volkani. La maxim alta monto di lando esasFujiyama, un volkano kun 3.776 metri di altitudo.

Lua klimato esas temperala en nordo e centro, e subtropikala en sudo.

Japonia.

Lua totala surfaco esas 378.000 km². Lua chef-urbo esas Tokio, kun 12.3 milion habitanti. En lua metropola areo on vivas cirkum 30 milioni. Altra importanta urbi esas Osaka, Yokohama, Nagoya, Fukuoka, Sendai e Sapporo.

Ekonomio[redaktar | edit source]

Exquisite-kfind.png Videz anke: Ekonomio di Japonia.

De 1960 til 1980 Japoniana ekonomio kreskis omnayare 10% averaje, fakto nomizita "Japoniana miraklo". La kresko falis dum 1990a yari, fakto nomizita "la perdita yardeko".

Demografio[redaktar | edit source]

En Japonia esas 127,4 milion habitanti. Maxim granda parto de populani esas Japona-linguala (99 %), ma esas anke mikra minoritato Koreana-linguala (1 %). L'oficala linguo esas Japoniana.

Expektebla vivo-longeso esas che viri 77,6 yari e che mulieri 84,6 yari.

Kulturo[redaktar | edit source]

Religii:

Cetera aferi[redaktar | edit source]

Referi[redaktar | edit source]

  1. Facts and Figures of Japan 2007 01: Land Foreign Press Center Japan