Mongolia

De Wikipedio
Irez ad: pilotado, serchez
Monggol ulus.svg
Монгол Улс
Mongol Uls
Flag of Mongolia.svg State emblem of Mongolia.svg
Flago di Mongolia Blazono di Mongolia
Mapo di Mongolia
Chefurbo: Ulan Bator
·Habitanti: 942,705 (2005)
Precipua urbo: Ulan Bator
Oficala linguo: mongoliana
Guvernerio: Republiko
·Prezidanto: Tsakhiagiin Elbegdorj
·Chefministro: Sükhbaataryn Batbold
Surfaco: (19ma granda)
·Totala: 1.564.115,75 km²
·% aquo: 0,43
Habitanti: (140ma granda)
·Totala: 2,736,800[1] (2009)
·Lojanto-denseso: 1,75 hab./km²
Nacionala himno: Bügd Nairamdakh Mongol
Pekunio: Tugrug
Reto-kodo: .mn
Precipua religio: Tradicionala religii 31,2%, Ateismo 30,7%, Budismo 22,5%

Mongolia esas lando en nord Azia inter Rusia en nordo, e Populala Republiko di Chinia en sudo.

Bazala fakti pri Mongolia.

Historio[redaktar | edit source]

Exquisite-kfind.png Videz anke: Historio di Mongolia.

Homo erectus ja habitis Mongolia 850,000 yari ante nun. Depos prehistoriala tempi Mongoliana teritorio habitesis da nomada populi qui, delore, formacis granda konfederuri qui ganis evidenteso. La maxim anciena de ta populi, le Xiongnu, formacis konfederuro sub l'imperiestro Modu Chanyu ye 209 aK. Balde li divenis granda minaco kontre Qin dinastio en Chinia.

Dum la fino di la 12ma yarcento, Temujin komencis unionar Mongola tribui. En 1206 Temujin recevis la krono di rejio unionita kun titulo di Chingiz-kano. Dum 13ma yarcento Mongolia esis la centro di Mongola imperio, la maxim granda imperio di la historio en extenso: dum lua maxima extenso, l'imperio kovris cirkum 33 milion km², e havis plu kam 100 milion habitanti.

Pos la morto di Chingiz-kano, l'imperio dividesis en 4 rejii, qua preske divenis komplete nedependanta en 1259, kun la morto di Möngke Khan. Lasta mongola imperio, Yuan Mongola Imperio, kreita en 1271 da Kublai Khan, falis en 1368.

mandjurii vinkis Mongoli en 17ma yarcento. La mandjura dominacajo duris plu kam 200 yari.

Kande Qing dinastio falis en Chinia en 1911, Mongolia deklaris su nedependanta. Ma Chinia nur vinkesis en 1921, pos la helpo di Sovietia. Populala Republiko di Mongolia proklamesis en 1924, pos la morto di Bogd Khan, religiala chefo di mongoli. Dum 1920a yari, preske 1/3 di Mongoliana maskula habitanti esis budista monaki.

En 1928 Khorloogiin Choibalsan asumis povo. Il komencis kolektivizuro di vend-brutari, destruktis budista monakeyi, e persekutis personi konsiderita "enemiki di la populo". Politikala purgi simila a Stalinana komencis en 1937 e rezultis plu kam 30,000 morti. En 1931 l'invado di Mandjuria da Japoniani divenis minaco a Mongolia. Tamen, en 1939 Sovietani sucesoze defendis Mongolia de Japonian invado.

En agosto 1945 Mongoliana trupi partoprenis en strategial atako kontre Japoniani en Mandjuria. En 20 di oktobro 1945 okuris refer-voto en Chinia pri la nedependo di Mongolia. L'ideo di nedependo vinkis, e Chinia aceptis agnoskar ol. Pos l'estabileso di Populala Republiko di Chinia la du landi agnoskis su rispektive, en 6 di oktobro 1949.

Ye la 26ma di januaro 1952 Yumjaagiin Tsedenbal asumis povo. Il kondemnis la personaleso-kulto a Choibalsan. Mongolia kontinuis proxim politikala a Sovietia pos la Chinia-Sovieta rupteso dum la 1950a yari. En 1980 on existis cirkum 55,000 sovietana soldati en Mongolia. Dum lia vizito a Moskva en 1984 Tsendenbal sufris severa morbo, e rapide Mongoliana parlamento substitucis il da Jambyn Batmönkh.

Perestroika e glasnost komencita da Mihail Gorbachov en Sovietia rapide afektis Mongolia. Unesma protesti pri demokratio komencis en 10 di decembro 1989 ed en 9 di marto 1990 komunista guvernerio renuncis. En julio sam yaro okuris elekti, ed opozantara partisi ganis la majoritato en parlamento. En 1992 lando adoptis nova konstituco e supresis "Populala Republiko" de la nomo di lando. En 1993 por l'unesma foyo ne-komunista partisi vinkis un elekto.

Politiko[redaktar | edit source]

Mongolia esas demokratiala parlamentala republiko. La prezidanto elektesas dal populo por 4-yara periodo, ma havas precipue simbolala povo. La chefministro qua elektesas da la parlamento, esas la chefo di guvernerio.

La Parlamento (Ulsyn Ich-Chural, Granda Statala Asemblo) havas 76 membri qui elektesas por 4-yara periodo dal populo. Nuna konstituco adoptesis en 1992 e sufris revizi en 1999 ed en 2001.

Geografio[redaktar | edit source]

Mapo di Mongolia kun lua provinci, precipua urbi e voyi.
Baktriana kameli en Gobi dezerto.

Mongolia esas la 19ma maxim granda lando dil mondo en totala surfaco. Granda parto di lua teritorio kovresas da stepi o da Gobi dezerto. Foresti kovras 11.2% dil teritorio.

La nordo e la westo di lando kovresas da montari. La maxim alta essas Altai montaro, qua extensas de nord-westo til sud-westo di lando. L'erodata Khangai montaro anke extensas de nord-westo til sud-westo, ed okupas la centro di lando. Finale la Khentii montaro, qua extensas de la frontiero kun Rusia til la nordo di Ulan Bator. La maxim alta monto di lando esas monto Khüiten, kun 4,374 metri di altitudo.

La klimato esas temperema, kun moderema temperaturi en somero e kolda vintri. Pluvo varias de 200 til 350 mm omnayare en nordo, e de 100 til 200 mmm omnayare en sudo.

Ekonomio[redaktar | edit source]

Exquisite-kfind.png Videz anke: Ekonomio di Mongolia.

Demografio[redaktar | edit source]

Kalka-Mongoli reprezentas cirkum 81% de totala populo. Altra grupi esas Kazaki (4,3%), Dörvöd (2,3%), Buriati, ed altra. La maxim granda urbo esas Ulan Bator, kun plu kam 1 milioni habitanti en 2008. Altra importanta urbi esas Erdenet (plu kam 80,000 habitanti) e Darkham (cirkum 74,000 habitanti ye 2008).

Kulturo[redaktar | edit source]

La maxim anciena verko en Mongoliana linguo esas "La sekreta historio di Mongoli", skribita por royala familio kelkatempe dum la 13ma yarcento, pos la morto di Chingis-kano. Pos la 17ma yarcento, granda nombro di verki esis prezervita. La maxim anciena dramato en Mongoliana skribesis da Dulduityn Danzanravjaa cirkum 1831.

Ante 20ma yarcento granda parto di arto havis religiala funciono, e havis religiala influo. Nur en 1930 l'unesma profesionala teatro fondesis en Ulan Bator.

Referi[redaktar | edit source]

  1. "Social and economic situation of Mongolia (As of the preliminary result of 2009)". Nso.mn.