Oman

De Wikipedio
Irez ad: pilotado, serchez
Sultanat Oman
Flag of Oman.svg National emblem of Oman.svg
Flago di Oman Blazono di Oman
Mapo di Oman
Chefurbo: Muscat
·Habitanti: 638,115 (2003)
Precipua urbo: Muscat
Oficala linguo: Arabiana
Guvernerio: Monarkio
·Sultano: Qaboos bin Said Al Said
Surfaco: (70ma granda)
·Totala: 212,460 km²
·% aquo: 0
Habitanti: (139ma granda)
·Totala: 2,577,000 (2006)
·Lojanto-denseso: 8,3 hab./km²
Nacionala himno: Nashid as-Salaam as-Sultani
Pekunio: Rial di Oman
Reto-kodo: .om
Precipua religio: islamo (87,4%)

Oman esas lando qua jacas en Azia, en sud-esto di Araba peninsulo. Lua vicina landi esas:

Bazala fakti pri Oman.

Historio[redaktar | edit source]

Exquisite-kfind.png Videz anke: Historio di Oman.

Homala restaji de 8,000 yari ante nun esis trovita en la regiono di nuna Oman. Sumeriani mencionis un lando nomizita Magan o Makan, posible un refero a minadi di kupro en la regiono. Posible nuna Omanani originis de Yemen, en sudo di Araba peninsulo.

Ante l'arivo di Islamo, Oman jacis sub guvernerio od influi di Persiana dinastii: Akemenida, Partiana e Sasanida. Islama religio arivis en la regiono dum 8ma yarcento, ed Omani esis un di l'unesma populi qua adoptis islamo.

Portugalani konquestis Muscat dum 16ma yarcento ed okupis ol de 1508 til 1648, kande lua dominio sukombis en manui di otomani. Nek Portugalani nek Persiani kontrolis komplete tota regiono di nuna Oman. En 1690a yari Omana imamo Saif bin Sultan atemptis konquestar est-Afrikana litoro. Un obstaklo por ta esis Fuorto Jesus, Portugalana fortreso en Mombasa. Pos du yari di siejo, bin Sultan kaptis la fuorto ye 1698, e konquestis tota regioni norde de Mozambik. Zanzibar divenis loko por komercar sklavi e ganis importo en Omanan imperio. Sultano Sa'id bin Sultan konstruktis granda palaci, e transferis lia rezideyo apud Zanzibar ye 1837. Omanani anke influis en Komoriana kulturo ed, ye 1783, pos vinkar la sultano di Muskat, Oman grantis suvereneso super l'urbo di Gwadar, en nuna litoro di Pakistan.

Britanii komencis influar en Oman depos 18ma yarcento. Kun la morto di Sa'id bin Sultan al-Busaid ye 1956 lia filiuli disputis la sucedo e dividis l'imperio. Thuwaini bin Said recevis Muscat e Oman, e Mayid bin Said recevis Zanzibar. En 1891 Oman divenis protektorato de Unionita Rejio, til 1971, kande divenis nedependanta.

Politiko[redaktar | edit source]

Oman esas absoluta monarkio. Sultano Qaboos bin Said Al Said guvernas depos 1970. Dum 1990a yari ilu kreis du grupi di konsileri. Un, Majlis ash-Shura, elektata da poka civitani, kun 84 membri. Altra, Majlis ad-Dawla, elektata da sultano, kun 41 membri.

Oman ne havas skribita konstituco.

Geografio[redaktar | edit source]

Dezerta ravinego en la centro di Oman.

La klimato di Oman esas varma e sika en internajo. En litoro esas humida. En Muscat l'yarala averajo di pluvi esas 100 mm, e januaro esas la maxim pluvoza monato. Vasta dezerto kovras la centro di lando.

Oman havas enklavo en nord-esto di Unionita Araba Emirati: Musandam-peninsulo.

Oman havas vasta litoro, kun 2,092 km di extenso.

Ekonomio[redaktar | edit source]

Exquisite-kfind.png Videz anke: Ekonomio di Oman.

L'ekonomio di Oman dependas precipue de petrolo.

Demografio[redaktar | edit source]

La majoritato di populo havas araba origino. La precipua religio esas Islamo (87,4%).

La maxim granda urbo esas Muscat. Altra urbi importanta esas Salalah, Ibri, e Suhar.

Kulturo[redaktar | edit source]

Tradicionala muziko signizas omna instanti di omaniana vivo, inkluzas naski, morti, cirkoncizi, e mariaji.

Cetera aferi[redaktar | edit source]

Commons
Commons havas kontenajo relatante a: